لیہ ۔ ڈی ایچ کیو ہسپتال کا انسینیٹرز خراب ، ویسٹ جلانے کیلئے راجن پور بھیجا جا رہا ہے۔ ویسٹ منیجمنٹ بارے اعلی سطحی اجلااس میں انکشاف

لیہ (صبح پا کستان)ڈپٹی کمشنربابر بشیر نے کہا ہے کہ ہسپتالوں میں کوڑاکڑکٹ اور زہریلے مواد کی تلفی بذریعہ انسینیٹرز کرنے کیلئے پانچوں مونسپل کمیٹیوں اور ہسپتالوں کی انتظامیہ ہسپتالات ویسٹ منیجمنٹ کے تحت طے کردہ اصولوں کے مطابق کرنے کیلئے مشترکہ لاحہ عمل مرتب کریں ۔ یہ بات انہوں نے ہسپتالوں میں صفائی اور استعمال شدہ پٹیاں ،سرنجیں ،آپریشن تھیٹرز کا ویسٹ ٹھکانے لگانے اور صفائی کے امور کے جائزہ کیلئے منعقدہ اجلاس کی صدارت کرتے ہوئے کہی۔معاون خصوصی وزیراعلیٰ پنجاب رفاقت علی گیلانی ہمراہ تھے۔اجلاس میں ڈی ایچ او بشیر احمد سمرا،ایم ایس ڈاکٹر عتیق الرحمان، ڈاکٹر خادم حسین قریشی،محمد عامر،ممتاز خان،ذولقرنین احمد،زکاء اللہ خان ،وسیم ریاض ،رانا شرافت ،ملک غلام رسول،ملک مختیار حسین ، ڈاکٹر خالد محمود ودیگر نے شرکت کی۔اجلاس میں اے ڈی ماحولیات عارف محمود نے ضلع بھر کے 49سرکاری اور 119پرائیویٹ ہسپتالوں میں مونسپل انتظامیہ کے تعاون سے صفائی کے میکیزیم کے بارے میں اے ڈی ایل او ڈاکٹر محمدطارق محمود نے وٹرنری ہسپتالوں میں صفائی کی صورتحال جبکہ ڈاکٹر عتیق الرحمان نے بتایا کہ ہسپتال کا انسینیٹرز خراب ہے جس کی وجہ سے ہسپتال کا ویسٹ جلانے کیلئے راجن پور بھیجا جا رہا ہے۔ڈپٹی کمشنربابر بشیر نے اس ضمن میں ہدایت دی کہ مونسپل انتظامیہ شہروں کا مکمل ڈیٹا عملہ صفائی ضروری مشینری کے بارے میں تفصیلی رپورٹ دیں تاکہ مزید وسائل مہیا کیے جا سکیں۔اسی طرح ہسپتال میں انسینیٹرزیونٹ کی تنضیب کیلئے رپورٹ دی جائے تاکہ اسے فگشنل کرکے ضلع بھر کے ہسپتالوں کا ویسٹ جلایا جا سکے۔ معاون خصوصی وزیراعلیٰ پنجاب رفاقت علی گیلانی نے مونسپل کمیٹیوں کے حکام کو دستیاب وسائل بروئے کار لاتے ہوئے صفائی کرانے کی ہدایت کی۔