لیہ(صبح پا کستان ) جمعیت علماء اسلام (ف) کے مرکزی رہنما مفتی کفایت اللہ نے جامعیہ رحیمیہ کو ٹ سلطان میں ورکرز کنونشن سے خطاب کرتے ہوئے کہا کہ جمیعت علماء اسلام ملک کی واحد جماعت ہے جو شریعت محمدی کے نفاذ کے لیے دن رات سر گرم ہے انہوں نے ورکرز کو مخاطب کرتے ہوئے کہا کہ آپ علماء کرام کو اپنا منتخب کر کے پارلیمنٹ بھیجیں تاکہ وہ ملک میں اللہ اور اس کے رسول کے دین کی سر بلندی اور نفاذ کے اقدامات کر سکیں انہوں نے کہا کہ آج یہودی قوتیں ملک پر قابض ہیں جس سے اسلامی نظام کے نفاذ کو خطرہ ہے انہوں نے ورکرز کو ہدایت کی کہ جمیعت علماء اسلام کی رکنیت سازی میں زیادہ سے ذیادہ حصہ لیں اور دین اسلام کی سر بلندی اور اسلامی نظام حکومت کے نفاذ میں اپنا کردار ادا کریں اس موقع پر ضلعی ناظم انتخابات مظفرگڑھ مفتی حذیفہ اور ضلعی ناظم انتخابات لیہ قاری عبدالغفور رحیمی اور دیگر نے بھی ورکرزکنونشن سے خطاب کیا۔
