ڈیرہ غازیخان ۔وزیر اعلی پنجاب سردار محمد عثمان خان بزدار کی ہدایت پر سیکرٹری ہیلتھ ثاقب ظفر نے ٹیم کے ہمراہ اچانک دورہ

ڈیرہ غازیخان( صبح پا کستان).وزیر اعلی پنجاب سردار محمد عثمان خان بزدار کی ہدایت پر سیکرٹری ہیلتھ ثاقب ظفر نے ٹیم کے ہمراہ ڈیرہ غازیخان کا دورہ کیا۔ڈپٹی کمشنر علی اکبر بھٹی کے علاوہ ایڈیشنل سیکریٹری ہیلتھ شہناز،ڈائریکٹر جنرل ہیلتھ منیر احمد،پراجیکٹ منیجمنٹ یونٹ کے محمد عثمان اور ان کی ٹیم،پی ایچ ایف ایم سی کے ریجنل منیجر آپریشن ساوتھ حسن مصطفے خان،ڈائریکٹر ہیلتھ سروسز ڈاکٹر خلیل احمد،سی ای او ہیلتھ ڈاکٹر شاہد حسین مگسی،اسسٹنٹ کمشنر نوید حسین،ڈسٹرکٹ منیجر زاہدہ نواز،ڈی ایچ او ڈاکٹر سعید،ڈسٹرکٹ کوآرڈینیٹر آئی آر ایم این سی ایچ ڈاکٹر زوہیب حسن،ڈی ڈی ایچ او ڈاکٹر عابد حسین اور دیگر افسران ہمراہ تھے سیکرٹری ہیلتھ نے ضلع بالخصوص تحصیل تونسہ کے مراکز صحت کا تفصیلی دورہ کیاسول ڈسپنسری زین کے معائنہ کے دوران حاضری،ادویات اور دیگر ریکارڈ کا جائزہ لیا انہوں نے شکستہ عمارت کا نوٹس لیتے ہوئے تعمیر و مرمت کی ہدایات جاری کیں۔سیکرٹری نے سرونٹ کوآرٹرز کا بھی جائزہ لیا۔انہوں نے قبائلی عمائدین سے ملاقات کیں اور سہولیات کے بارے معلومات حاصل کیں سیکرٹری ہیلتھ نے آر ایچ سی بارتھی کا بھی دورہ کیا انہوں ہسپتال کے مختلف شعبوں کاتفصیلی جائزہ لیا۔بستر کی چادریں خراب،وارڈ میں لائٹ نہ ہونے اور لیب کا سامان زمین پر دیکھ کر سخت برہمی کا اظہار کیا انہوں فارمیسی کے معائنہ کرے دوران ادویات کا ریکارڈ چیک کیا۔سیکرٹری ہیلتھ نے مشینری کی صوتحال اور ورکنگ کے بارے میں معلومات حاصل کیں اورڈاکٹرز کی رہائش گاہوں کا بھی دورہ کیا۔ انہوں نے بی ایم پی تھانہ بارتھی کی عمارت کا بھی جائزہ لیا۔سیکرٹری ہیلتھ نے کالا کے نزدیک موبائل ہیلتھ یونٹ کا بھی جائزہ لیا انہوں نے ڈاکٹرز اور مریضوں سے معلومات حاصل کیں۔پوچھنے پر پیٹ کے درد کی ادویات نہ ہونے پر حیرت کا اظہار کرتے ہوئے صورتحال فوری بہتر کرنے کی ہدایات جاری کیں۔سیکرٹری ہیلتھ نے تحصیل صدر ہسپتال تونسہ کا بھی دورہ کیا انہوں نے پی ایم یو کی ٹیم کو ہسپتال کی ری وائمپنگ فوری مکمل کرنے کی ہدایات جاری کیں۔سیکرٹری ہیلتھ نے وارڈ کے معائنہ کے دوران داخل مریضوں کی عیادت کی،ادویات اور سہولیات کے بارے میں معلومات حاصل کیں۔سیکرٹری ہیلتھ نے ہسپتال کی چھت کا بھی معائنہ کیا اور باقاعدگی سے چھتوں کی صفائی کی ہدایات جاری کیں۔سیکرٹری ہیلتھ نے موجود لوگوں سے بھی طبی سہولیات کی فراہمی،ٹیسٹ اور ڈاکٹرز کی موجودگی کے بارے میں پوچھا۔سیکرٹری ہیلتھ نے ہسپتال کی مشینری اور موجودہ صورتحال کا طلب کرلیا۔ڈپٹی کمشنر علی اکبر بھٹی نے معائنہ کے دوران ہسپتالوں کی صورتحال کے بارے میں تفصیلات فراہم کیں
واضح رہے کہ ہیلتھ کی اعلی سطحی ٹیم کے دورہ کا مقصد ضلع کے مراکز صحت کی صورتحال اور اپ گریڈیشن کی سکیموں کا جائزہ لینا تھا.