لیہ ۔ فاسٹ باولر محمد عرفان نے ڈسٹرکٹ کرکٹ چمپئن شپ کا افتتاح کیا

لیہ (صبح پا کستان)قومی کرکٹ ٹیم کے مایہ ناز فاسٹ باولر محمد عرفان نے کرکٹ چمپئن شپ کا افتتاح کردیا۔ڈسٹرکٹ کرکٹ ایسویسی ایشن اور نیشنل بنک آف پاکستان کے زیر اہتمام ڈسٹرکٹ کرکٹ چمپئن شپ میں ضلع بھر سے تمام کرکٹ ٹیمیں شرکت کررہی ہیں ۔کرکٹ چمپئن شپ بیس روز تک ڈگری کالج گراونڈ میں جاری رہے گی۔افتتاحی تقریب میں صدر انجمن تاجران ملک مظفر اقبال دھول ،صدرکرکٹ ایسویسی ایشن حیدر کامران ،کیپٹن ہاوسنگ کرکٹ کلب جعفر حسین ،کھلاڑیوں اور شائقین کی بڑی تعداد موجود تھی۔فاسٹ باولر محمد عرفان نے اس موقع پر گفتگوکرتے ہوئے کہا کہ گراس روٹ لیول تک ٹیلنٹیڈ نوجوانوں کو مواقع فراہم کرکے ان میں سے قومی ٹیم کے لیے کھلاڑیوں کی سلیکشن اس طرح کی چمپین شپ منعقدکروانے کا بنیادی مقصد ہے جس میں اُبھرتے ہوئے ٹیلنٹ میں مزید نکھار پیدا کرنے کے لیے پلیٹ فارم فراہم کیا جارہاہے ۔انہوں نے گراونڈ کی خوبصورتی ،معیاراور صدر کرکٹ ایسویسی ایشن کی کاوشوں کو سراہتے ہوئے کرکٹ کے لیے بہترین خدمت قرار دیا۔اس موقع پر کھلاڑی ،طلبہ او ر شائقین فاسٹ باولر کے ساتھ سلفیاں بنواتے رہے۔