لیہ ۔پنجاب کابینہ میں تو سیع ،ایم پی اے رفاقت گیلانی معاون خصوصی ہوں گے

لیہ (صبح پا کستان ) پنجاب کابینہ میں مزید نئے وزراء، مشیر اور معاون خصوصی کو شامل کرنے کا فیصلہ . لیہ سے تحریک انصاف کے ایم پی اے رفاقت گیلانی معاون خصوصی بھی ہوں گے ذرائع کے مطابق وزیراعلیٰ پنجاب عثمان بزدار کی کابینہ میں مزید 9 وزیر، 3 مشیر اور 5 معاون خصوصی کو شامل کیا جائے گا۔ ممکنہ طور پر کابینہ کا حصہ بننے والے وزرا میں سید سعید الحسن شاہ، مہر محمد اسلم، سید حسنین جہانیاں گردیزی، اجمل چیمہ، محمد اخلاق، آشفہ ریاض اور شوکت لالیکا شامل ہیں۔ ذرائع کا کہنا ہے کہ زوار حسین وڑائچ اور اعجاز مسیح کو تیسرے مرحلے میں کابینہ کا حصہ بنایا جائے گا۔ ذرائع کے مطابق پنجاب کابینہ میں عبدالحئی دستی، فیصل حیات جبوابہ اور محمد حنیف کو بطور مشیر شامل کرنے کا فیصلہ کیا ہے جب کہ 5 معاون خصوصی بھی ہوں گے جن میں لیہ سے رفاقت گیلانی، امیر محمد خان، خرم لغاری، عمر فاروق اور محمد سلمان شامل ہیں۔