جسٹس(ر ) وجیہہ الدین کی سربراہی میں 19سیاسی جماعتوں پر مشتمل پاکستان پیپلز موومنٹ کے نام سےنئے اتحاد کا قیام

لاہور (صبح پا کستان) جسٹس(ر ) وجیہہ الدین کی سربراہی میں پاکستان پیپلز موومنٹ کے نام سے 19سیاسی جماعتوں کا اتحادقائم ہوگیا جسکے پہلے سیکریٹری جنرل سید منظور حسین گیلانی مقرر اس موقعہ پر اعلان لاہور کے نام سے پریس کانفرنس سے خطاب کرتے ہوئے جسٹس(ر ) وجیہہ الدین احمد نے کہا کہ پورے ملک میں ایک ہی نظام تعلیم اور عوام کو بہترصحت کی سہولیات سمیت ملک کو ترقی کی شاہرہ پر گامزن کرنے کے لیے ملک بھر کی 19سے زائد سیاسی جماعتیں ہمارے ساتھ آبیٹھی ہیں جنکے ساتھ ملکر ہم ملک میں واضح تبدیلی کا عمل شروع کرینگے اس موقعہ پر پاکستان پیپلز موومنٹ کے سیکریٹری جنرل سید منظورعلی  گیلانی نے کہا کہ قائد اعظم نے اپنی دستور ساز اسمبلی میں خطاب کے دوران جن بنیادی اصولوں کا قوم سے وعد ہ کیا تھا ۔ ان کی وفات کے بعد ان اصولو ں کو یکسر نظر انداز کرکے پاکستانی قوم کو مذہبی ،فرقہ وارانہ ،لسانی و علاقائی ننیادو ں پر تقسیم کر دیا گیا جبکہ 1970 کے پہلے عام انتخابات کے نتائج کو حکمران طبقات نے تسلیم کرنے سے یکسر انکار کر د یا جس کے نتیجہ میں16 دسمبر 1971کو پا کستا ن کا سب سے بڑا صوبہ ہم سے الگ ہو گیا ۔عوام 70سال سے اپنے بنیا دی حقوق سے محروم ہیں مہنگائی ،بے روز گاری ،بد امنی ،دہشتگردی ، نا انصافی ،کرپشن ،وغیرنے عوام کا جینا مشکل کر دیا ہے پاکستان کی عوام ہمیشہ حکمران ٹولہ اور ان کے اور ان کے حواریوں کی لوٹ مار ظلم وجبر تشدد وبربریت ، استحصال اور سامراجی تسلط کے خلاف صدائے ساحتجاج بلند کی توانا عاقبت اندیش اور مفاد پرست حکمرانو ں نے غدارے کے الزام لگائے اور ظلم و ستم کیا سیاسی کارکنو ں کوجیل کی صعوبتیں برداشت کرنا پڑیں لیکن عوام کا عزم و حوصلہ بلند رہا فوجی اور عوامی آمریتوں کو پسپائی اختیار کرنا پڑی۔آ ج پاکستان پھر قا نونی ،سیاسی ، معاشی ،معاشرتی اور اخلاقی بحران کا شکار ہے ۔ایک طرف 25 جولائی 2018ء کو انتخابات ہو نے جا رہے ہیں تو دوسری طرف اسٹیٹس کو مقتدرحلقو ں کے اشاروں پر چلنے والی سیاسی جماعتیں پھر عوام کو گمراہ کرنے کی کو شش کر رہی ہیں اور بے یقینی کی فضا پیدا کی جا رہی ہے اس وقت کوئی ایک لیڈر یا سیاسی جماعت اس بحران پر قابو پا نے کی پوزیشنمیں نہیں ہے۔جسکے بعد ہم نے عوام دوست قوتوں جن میں جماعتیں ،وکلاء دانش ور،خواتین ،طلباء ڈاکٹرز ،محنت کش،مزدور ،کھیت مزدور اور کسان تنظیموں سمیت دیگر شعبہ ہائے زندگی سے تعلق رکھنے والوں کو پلیٹ فارم پر اکٹھا کر کے عوام کو موجودہ فرسودہ جاگیردارنہ اور نیم سرمایہ دارانہ استحصالی نظام سے چھٹکارہ دلانے کیلئے عوام کو منظم کیا جائے۔اس موقعہ پر انہوں نے کہا کہ ہم درج زیل نکات پر اتفاق کرتے ہوئے عہد کرتے ہیں کہ پاکستان کو مخصوص طبقات کی غلامی سے آزاد کرائینگے اور پاکستان کے وسائل کو برائے کار لاتے ہوئے ملک کو ترقی وخوشحالی کی راہ پر گامزن کرینگے،1۔آئین بالادست ،قانونی کی حکمرانی،آزاد عدلیہ ،مقتدرپارلیمنٹ ،2۔جاگیردرانہ اور قبائلی نظام کامکمل خاتمہ ملک میں موجود قوانین کے مطابق زرعی اصلاحات پر عمل در آمد یقینی بنایا جائیگا ،3َ۔غیر جانبدار،بااختیار اور آزاد الیکشن کمیشن کا اقیام ،4۔مربوط۔قومی خارجہ پالیسی او رپڑوسی ممالک سے خوشگوار تعلقات ،5۔معاشی خود انحصاری کو مدنظر رکھتے ہوئے قومی اقتصادی پالیسی مرتب کرنا،6بالاامتیاز اورغیر جانبدارانہ احتساب کا نظام (انصاف سب کیلئے ،احتساب سب کا )،7۔زراعت کو صنعت کا درجہ دیا جائیگا ۔پانی کے بحران کو حل کرنے کیلئے ڈیمز اور ذخائر تعمیر کیے جائینگے،8۔بلا تفریق وتخصیص بنیادی حقوق کی فراہمی اور لاپتہ افراد کی بازیابی اور اسکا تدراک ،9۔کرپشن کے خاتمہ کیلئے موثر اقدامات ۔لوٹی ہوئی دولت کی واپسی،10۔ماحول کو بہتر بنانے کیلئے گرین انرجی افراسٹر کچر کا قیام ،شجر کاری اور جنگلات کا تحفظ ،11۔مقامی زبانوں کو فروغ دینا ور جس حد تک ممکن ہو ذریعہ تعلیم بنانا،12۔آئین میں دی گئی صوبائی خودمختاری پر مکمل عمل در آمد وفاق کے طور پر چلایا جائے گا