ملتان ۔ متحدہ مجلس عمل اقتدار میں آکر پاکستان کو مدینہ کی ریاست جیسا قلعہ بنائے گی ۔ڈاکٹر صفدر اقبال ہاشمی

ملتان (صبح پا کستان) متحدہ مجلس عمل کے صوبائی حلقہ 213کے امیدوار ڈاکٹر صفدر اقبال ہاشمی نے کہا ہے کہ موجودہ حکمرانوں نے ملک کو تباہی کے دہانے کی طرف لاکھڑا کیا کرپشن اور لوٹ مار میں تاریخ مثال قائم کردی متحدہ مجلس عمل اقتدار میں آکر پاکستان کو مدینہ کی ریاست جیسا قلعہ بنائے گی اور ایک اسلامی پاکستان خوشحال پاکستان کی راہ کی طرف گامزن کرے گی ان خیالات کا اظہار انہوں نے متحدہ مجلس عمل کے صوبائی حلقہ 213کے زیراہتمام کینٹ میں معززین علاقہ کے اعزاز میں دیئے گئے افطار ڈنر میں خطاب کرتے ہو ئے کیا اس موقع پر متحدہ مجلس عمل ملتان کے صدر آصف محمود اخوانی، کنٹونمنٹ بورڈ ملتان کے وائس پریذیڈنٹ چوہدری طارق نیاز، اختر حسین اختر، کلب عابد، ڈاکٹر غضنفر ، چوہدری محمود علی ،اسرار حسین، شیخ عرفان ، رانا طارق نعیم، رانا فیضان جہانگیر، یعقوب شیرا ، قاری محمد قاسم ودیگربھی موجود تھے ڈاکٹر صفدر اقبال ہاشمی نے مزید کہا کہ بے روزگاری کو ختم کرنے کے دعوے کرنے والوں نے نہ تو نوجوانوں کو ڈگریاں دیں نہ مہنگائی ، لوڈشیڈنگ کا خاتمہ کیا اور نئے ڈیمز بنانے کی طرف بھی کوئی تو جہ نہیں دی یہی وجہ ہے کہ آج بڑے بڑے دریا خشک ہو ئے نظر آتے ہیں انہوں نے کہا کہ موجودہ حکمرانوں نے ختم نبوت کے قانون میں ترمیم کرنے کی جو کوشش کی اس پر پوری قوم میں تشویش کی فضا پائی جاتی ہے متحدہ مجلس عمل کو عوام اقتدار میں آنے کے لئے موقع دیں ۔ بشکریہ ۔ منصور حسن ہا شمی