لیہ ۔ایم پی اے چوہدری اشفاق احمد کا ن لیگ سے علیحدگی کا اعلان آزاد حیثیت سے این اے 188سے الیکشن میں حصہ لوں گا ۔ چوہدری اشفاق احمد

لیہ(صبح پا کستان )ایم پی اے چوہدری اشفاق احمد کا ن لیگ سے علیحدگی کا اعلان آزاد حیثیت سے لیہ کی نشست سے ایم این اے 188سے الیکشن لڑنے کا اعلان کردیا ان خیالات کا اظہار انہوں نے ڈسٹرکٹ پریس کلب لیہ میں پریس کانفرنس سے خطاب کرتے ہوئے کیا انہوں نے مزید کہا کہ آئندہ چند روز میں ضلع کی مکمل نشستوں پر اپنے آزاد پینل کی حیثیت سے الیکشن میں پینل کا اعلان کروں گا،انہوں نے کہا کہ مسلم لیگ ن کے ایم این اے سید ثقلین شاہ بخاری نے گذشتہ پانچ سالوں میں میری ہمیشہ مخالفت کرتے رہے ہیں ان کی اس مخالفت بارے پارٹی قیادت کو متعدد بار آگاہ کیا لیکن کسی نے بھی نوٹس نہ لیا ،ایم این اے کروڑ کی مخالفت کی وجہ سے سابق صوبائی وزیر ملک احمد علی اولکھ کو شکست کا سامنا کرنا پڑا میرے حلقہ کے ایم این اے سید ثقلین بخاری میرے ساتھ یہی رویہ اپنا کر مجھے بھی ناکام کرنا چاہتے ہیں ان کے اس رویہ کی وجہ سے لیہ کے حلقہ این اے 188 سے ایم این اے کی نشست پر الیکشن لڑنے کا اعلان کرتا ہوں،انہوں نے کہا اپنے پانچ سالہ دور میں بطور ایم پی اے لیہ میں اتنے ترقیاتی کام کئے جن کی مثال ملنا مشکل ہے ،ایم این اے سید ثقلین بخاری کی کرپشن اس بات سے نظر آرہی ہے کہ پارٹی کی طر ف سے ٹکٹوں کی تقسیم کا مرحلہ شروع ہونے سے قبل ہی ایم این اے لیہ نے مختلف لوگوں کو بطور ایم پی اے امیدوار کا اعلان کردیا ہے