لیہ ۔ چوبارہ روڈ پر گیس پائپ لائن میں زور دار دھماکہ ، ایک شخص زخمی ، دکانوں کے شیشے ٹوٹ گئے

چوبارہ روڈ پر گیس پائپ لائن میں زور دار دھماکہ ، ایک شخص زخمی ، دکانوں کے شیشے ٹوٹ گئے
لیہ(صبح پا کستان ) چوبارہ روڈ پر ریلوے پھاٹک کے نزدیک گیس پائپ لائن میں زور دار دھماکہ ، ایک شخص زخمی ، دکانوں کے شیشے ٹوٹ گئے ، تفصیلات کے مطابق چوبارہ روڈ پر ریلوے پھاٹک کے نزدیک واقع علی راجن پرنٹنگ پریس کے عین سامنے مین گیس پائپ لائن پھٹنے سے زوردار دھماکہ ہوا ، دھماکہ اس قدر شدید تھا کہ اس کی آواز دور دور تک سنائی دی۔ گردوغبار سے فضا آلودہ ہوگئی ، دھماکے سے دکان کے شیشے ٹوٹ گئے ، دھماکے سے ایک شخص زخمی ہوگیاجسے فوری طور پر ڈسٹرکٹ ہیڈکوارٹر ہسپتال طبی امداد کیلئے منتقل کردیاگیا، ریسکیو 1122اطلاع کے باوجود تاخیر سے موقع پر پہنچی تاہم لوگوں نے اپنی مدد آپ کے تحت زخمی کو ہسپتال منتقل کیا۔ دکانوں کے مالکان و شہریوں نے واقعہ پر شدید ردعمل کااظہار کرتے ہوئے کہا کہ ناقص پائپ لائن بچھانے اور پریشر چھوڑنے سے دھماکہ ہوا ، انتظامیہ کو صورتحال کا نوٹس لیتے ہوئے مستقبل میں عوامی جان و مال کو محفوظ بنانے کیلئے منصوبے میں معیاری میٹریل کے استعمال کو یقینی بنانا چاہئے۔
رپورٹ ۔ مہر سر فراز واندر پریس رپورٹر