لیہ۔ لاہور ہائی کورٹ ملتان بنچ کے جسٹس شہباز علی رضوی اور جسٹس علی باقر نجفی نے ڈسٹرکٹ جیل لیہ کا دورہ کیا

لیہ(صبح پا کستان ) لاہور ہائی کورٹ ملتان بنچ کے جسٹس شہباز علی رضوی اور جسٹس علی باقر نجفی نے ڈسٹرکٹ جیل لیہ کا دورہ کیا۔معز زجج صاحبان نے ڈسٹرکٹ جیل لیہ کے معائنہ کے موقع پر جیل کے باورچی خانے،کھانے کے معیار، جیل ہسپتال،نو عمر قیدی وارڈاور دیگربارکس کامعائنہ کیا جس میں سکیورٹی اورصحت وصفائی کے انتظامات کو معائنہ کے بعد تسلی بخش قرار دیا۔اس موقع پر ڈسٹرکٹ اینڈ سیشن جج لیہ شوکت کمال ڈاراور سپرنٹنڈنٹ جیل محمد فیروز کلیاربھی ہمراہ تھے۔جیل آمد پرمعزز جج صاحبان کو ڈسٹرکٹ جیل کے چاک و چوبند دستے نے انہیں سلامی پیش کی جبکہ ڈپٹی سپرنٹنڈنٹ رسول بخش کلاچی نے جیل سے متعلقہ امور کے بارے میں بریفنگ دی۔