کوٹ سلطان ۔اڈا شاہ جمال پر ٹریفک حادثہ، آئل سے بھرا ٹینکر دیوار توڑ کر مکان کے اندر داخل ہو گیا ، 7 افراد زخمی , ڈرائیور کے خلاف مقدمہ درج

کوٹ سلطان( صبح پا کستان ) اڈا شاہ جمال پر ٹریفک حادثہ، آئل سے بھرا ٹینکر دیوار تور کر مکان کے اندرگیا، 7 افراد زخمی، ڈی پی او لیہ ناصر مختار راجپوت رات گئے موقع پر پہنچ گئے۔ تفصیلات کے مطابق گزشتہ رات تقریباً 1بجے علاقہ تھانہ کوٹ سلطان کے قریب اڈا شاہ جمال پر ٹریفک حادثہ پیش آیا۔ آئل سے بھرا ٹینکر مکان پر چڑھنے سے 7 افراد زخمی ہوئے۔ ڈی پی او لیہ ناصر مختار راجپوت، ڈی ایس پی صدر خالد محمود شاہ و دیگر پولیس افسران موقع پر پہنچ گئے۔ حادثہ کی جگہ کو کارڈن کرایا تاکہ مزید کسی نقصان سے بچا جا سکے۔ زخمیوں کو فوری طور پر ہسپتال منتقل کرایا گیا۔ کسی بھی حادثہ کی صورت میں شہریوں کی امداد پولیس کا فرض ہے پولیس افسران اپنے فرض کی ادائیگی میں ہرگز کوتاہی نہ کریں، ڈی پی او لیہ کی پولیس افسران و اہکاران کو ہدایت۔ ڈرائیور کے خلاف تھانہ کوٹ سلطان میں مقدمہ درج۔