لیہ(صبح پا کستان)فنڈز کی غیر منصفانہ تقسیم ،چھ ماہ سے ضلع کونسل اجلاس نہ ہونے پر اپوزیشن ارکان کا چیئرمین ضلع کونسل سے استعفی ٰ کا مطالبہ،سٹے کے باوجود یونین کونسلز کے ترقیاتی سکیمیوں کے ورک آرڈر جاری کرنے و ٹینڈر پراسس کرنے پر چیئرمین ضلع کونسل و افسران ضلع کونسل کے خلاف عدالت سے رجوع کرنے کا اعلان،چیئرمین یونین کونسلزثنا اللہ گجر،محی الدین سہیڑ،سید منور عباس شاہ،دریزدانی تنگوانی،جام منظور حسین،قاضی صاحبزادہ طارق سلطان ،محمد شفیق رندھاوا،فیروز علی سواگ ودیگر پریس کانفرنس سے خطاب کرتے ہوئے کہا کہ چیئرمین ضلع کونسل ملک عمر علی اولکھ ہاؤس کا اعتماد کھو چکا ہے ،6ماہ سے زائد عرصہ گذر جانے کے بعد ہاؤس کا اجلاس نہ ہونے کی وجہ سے چیئرمین غیر فعال ہوچکا ہے چیئرمین ضلع کونسل 9جنوری تک استعفیٰ دے اگر ایسا نہ ہواتو ضلع کونسل و ڈی سی آفس کا اپنی اپنی یونین کونسلز کی عوام کے ساتھ گھیراؤ کیا جائے گا،چیئرمین ضلع کونسل ملک عمر علی اولکھ 25پچیس لاکھ کی وزیر اعلیٰ پنجاب کی طرف سے ہر یونین کونسل کو ترقیاتی سکیموں کیلئے فنڈز جاری کئے لیکن چیئرمین ضلع کونسل،ایم این ایز،ایم پی ایز اپنی من مانی کرکے ہمارے فنڈز خود استعمال کررہے ہیں جس کیلئے 11یونین کونسلز کے چیئرمین نے عدالت سے رجوع کرکے سٹے آرڈر جاری کروایا ہے ،چیئرمین ضلع کونسل ملک عمر علی اولکھ،مسلم لیگ ن کے ممبران اسمبلی ضلع لیہ کے فنڈز کی غیر منصفانہ تقسیم کررہے ہیں ،چیئرمین ضلع کونسل بزدل شخص ہے ،مسلم لیگ ن کی ٹکٹ پر ہارے ہوئے ممبران کو غیر قانونی طریقے سے فنڈز جاری کئے جا رہے ہیں جو کہ سراسر غیر قانونی ہے اور اس غیر قانونی ایکٹ کو ہائی کورٹ میں چیلنج کیا ہوا ہے اگر سٹے کے دوران چیئرمین ضلع کونسل و دیگر سرکاری اہلکار ٹینڈر کراتے ہیں تو عدالت کا دروازہ بھی کھٹکٹھائیں گے اور عوام کو ساتھ لیکر سڑکوں پر نکل کر احتجاج کریں گے ،چیئرمین ضلع کونسل ملک عمر علی اولکھ و مسلم لیگی ممبران اسمبلی سیاسی تعصب کی بنیاد پر ہماری یونین کونسلز کو نظر انداز کررہے ہیں ،فنڈز کی تقسیم میں چیئرمین ضلع کونسل اور وائس چیئرمین ضلع کونسل کے درمیان بھی جھگڑا چل رہا ہے ایک سال گذر جانے کے بعد بھی ضلع لیہ کی عوام کا استحصال ہورہا ہے جو صرف اور صرف چیئرمین ضلع کونسل کی نااہلی ہے،اگر ہمارے مطالبات منظور نہ ہوئے تو چیئرمین ضلع کونسل کو کرسی پر نہیں بیٹھنے دیں گے۔
