لیہ(صبح پا کستان) کسانوں کا استحصال بند کیا جائے صحیح نرخ پر گنے کی خریداری کو یقینی بنایا جائے،16دسمبر میلاد گراؤنڈ لیہ میں ہونیوالی سالانہ محفل حسن قرات و حمدو نعت کے انتظامات مکمل ،ان خیالات کا اظہار جمعیت علماء اسلام ضلع لیہ کے ہنگامی اجلاس سے خطاب کرتے ہوئے ضلعی رہنماؤں نے کیا اجلاس میں ضلع بھر سے آئے ہوئے رہنماؤں نے تیاریوں کے بارے آگاہ کیا ضلعی جنرل سیکرٹری قاری منور حسین نے تیاریوں پر اطمینان کا اظہار کیا اور آگاہ کیا کہ سالانہ محفل حسن قرات و حمدو نعت پہلے سے زیادہ کامیاب ہوگی ملک کے معروف قراء و ثناء خواں کے علاوہ جمعیت علماء اسلام کے مرکزی رہنما سینیٹر حافظ حمداللہ مرکزی ڈپٹی جنرل سیکرٹری مولانا امجد خان وفاقی وزیر مولانا امیر زمان خطاب کرینگے اجلاس میں گنے کی فصل پر کسانوں کے استحصال پر شدید ردعمل کا اظہار کیا گیا اور مطالبہ کیا گیا کہ گنے کے صحیح نرخ پر خریداری یقینی بنائی جائے اجلاس میں مولانا حق نواز میرانی مرحوم کیلئے ایصال ثواب کیا گیا ۔ضلعی امیر مولانا محمد ربنواز فاروقی کی صحت کیلئے دعا کی گئی اجلاس سے مولانا عبدالحنان ،مولانا غلام اکبر ،مولانا عبداللہ ،مولانا خالد ،مولانا اصغر تمیمی و دیگر نے خطاب کیا۔
