ڈیرہ غازیخان ۔ دس روزہ ہیلتھ کنونشن کا انعقاد کے پروگرامز کو حتمی شکل دینے اور نگرانی کیلئے 15رکنی کمیٹی تشکیل ، ڈپٹی کمشنر فوکل پرسن اور ایڈیشنل ڈپٹی کمشنر ریونیو کنوینر ہوں گے

ڈیرہ غازیخان (صبح پا کستان) حکومت پنجاب کی ہدایت پر ضلع ڈیرہ غازیخان میں دس روزہ ہیلتھ کنونشن کا انعقاد کیاجائے گا . پروگرامز کو حتمی شکل دینے اور نگرانی کیلئے 15رکنی کمیٹی تشکیل دے دی گئی ہے . ڈپٹی کمشنر فوکل پرسن اور ایڈیشنل ڈپٹی کمشنر ریونیو کنوینر ہوں گے . ہیلتھ کنونشن ضلعی سطح سے یونین کونسل لیول تک منعقد کیا جائے گا . دس روزہ تقریبات میں ہیلتھ میلہ ، نمائش ، سٹالز ، فلوٹس ، واک ، سیمینار اور دیگر پروگرام کرائے جائیں گے . وزراء ، اراکین اسمبلی ، معززین علاقہ اور زندگی کے ہر شعبہ سے تعلق رکھنے والے افراد کو مدعو کیاجائے گا. یہ بات ڈ پٹی کمشنر محمد ابراہیم جنید کی زیر صدارت اس سلسلے میں منعقدہ اجلاس میں بتائی گئی . اس موقع پر اے ڈی سی آر میاں محمد اقبال مظہر مہار ، اسسٹنٹ کمشنرز شاہد عباس کاٹھیہ ، عبدالجبار ، ساجد صفدر ، سی ای اوز ڈاکٹر خلیل الرحمن ، عبدالغفار لنگاہ کے علاوہ ہما مہدی لغاری ، سرفراز مگسی ، ڈاکٹر طاہر حسین ، ڈاکٹر محمد احسن ، ڈاکٹر محمد ریاض ، ڈاکٹر عتیق الرحمن ، ڈاکٹر خالد تحسین ، ڈاکٹر ذکاء الدین ، محمد اکرم ، ملک خلیل الرحمن ، اختر بھٹہ ،حسنین رضا ، ڈاکٹر گل حسن ، ڈاکٹر ناطق حیات ، خرم کھوسہ ، ڈاکٹر حمیرا بلال ،ملک محمد رمضان ، شاہد سلیم سمیت دیگر افسران شریک تھے . ڈپٹی کمشنر نے کہاکہ ہیلتھ کنونشن کا مقصد عوام کو حکومت کی طرف سے طبی سہولیات بارے آگاہی دینا ہے . مراکز صحت ، تعلیمی اداروں میں نمائش ، سٹالز لگائے جائیں گے . آرٹس کونسل ، غازی یونیورسٹی ، ٹیچنگ ہسپتال ، دانش سکول ، کامرس کالج ، ہائی سکول تونسہ ، کوٹ چھٹہ سمیت دیگر مقامات پر پروگرامز کرائے جائیں گے .