ڈیرہ غازیخان ۔پنجاب بھر کے تعلیمی بورڈز کے زیر اہتمام میٹرک سالانہ امتحانات 2018ء یکم مارچ سے شروع ہوں گے . ڈپٹی کنٹرولر امتحانات ثانوی و اعلی ثانوی تعلیمی بورڈ شیخ امجد حسین

ڈیرہ غازیخان (صبح پا کستان)پنجاب بھر کے تعلیمی بورڈز کے زیر اہتمام میٹرک سالانہ امتحانات 2018ء یکم مارچ سے شروع ہوں گے. ڈپٹی کنٹرولر امتحانات ثانوی و اعلی ثانوی تعلیمی بورڈ ڈیرہ غازیخان شیخ امجد حسین کی طر ف سے جاری کردہ مراسلہ کے مطابق ریگولر و پرائیویٹ امیدواروں کیلئے سنگل فیس کے ساتھ داخلہ فارم 13نومبر سے 15دسمبر تک ، دوگنا فیس کے ساتھ 16دسمبر سے 22دسمبر تک اور تین گنافیس کے ساتھ داخلہ فارم 23دسمبر سے 29دسمبر تک جمع کرائے جاسکتے ہیں . واضح رہے کہ تین گنا فیس کے ساتھ داخلہ فارم جمع کرانے والوں کو ضلعی ہیڈکوارٹر پر سنٹر الاٹ ہو گا . مذکورہ شیڈول کے مطابق داخلہ فارم آن لائن جمع کرانے کے ساتھ فوٹو کاپی بمعہ ادا شدہ بنک چالان بورڈ میں جمع کرا کے ڈائری نمبر حاصل کیاجائے . بورڈ کی ویب سا ئیٹ پر داخلہ فارم کی مختلف کیٹیگریز معہ ہدایات و رہنمائی کیلئے فیسوں کا تمام ٹیرف 10نومبر کو اپ لوڈ کر دیا جائے گا. تمام متعلقہ ادارے و امیدوار ان ان ہدایات و رہنمائی پر مبنی معلومات کو غور سے پڑھیں تاکہ کوئی ابہام یا غلط فہمی نہ رہے .