وزیر اعظم سے امریکی وزیر خارجہ کی ملاقات، پاکستان نے دہشت گردی کے خلاف سب سے زیادہ قربانیاں دیں : شاہد خاقان عباسی

اسلام آباد(مانیٹرنگ ڈیسک) وزیر اعظم پاکستان شاہد خاقان عباسی سے امریکی وزیر خارجہ ریکس ٹیلرسن نے ملاقات کی، ملاقات میں پاک امریکہ تعلقات سمیت خطے کی سیکورٹی صورت حال پر گفتگو کی گئی، اس موقع پر گفتگو کرتے ہوئے وزیر اعظم کا کہنا تھا کہ پاکستان نے دہشت گردی کے خلاف سب سے زیادہ قربانیاں دی ہیں، عالمی برادری کو پاکستان کی قربانیوں کی قدر کرنا چاہیے ۔ پاکستان دہشت گردی کے خلاف جنگ میں پر عزم ہے اور اس جنگ میں نتائج بھی حاصل کیے ہیں، امریکا کےساتھ بہترین تعلقات قائم کرناچاہتے ہیں، دونوں ممالک کو اقتصادی اور معاشی تعاون کو فروغ دینا چاہیئے۔ وزیر اعظم پاکستان شاہد خاقان عباسی سے امریکی وزیر خارجہ ریکس ٹیلرسن نے پی ایم آفس میں ملاقات کی، اس ملاقات میں وزیرخارجہ خواجہ آصف، وزیرداخلہ احسن اقبال،وزیردفاع خرم دستگیر، آرمی چیف جنرل قمر جاوید باجوہ اور ڈی جی آئی ایس آئی لیفٹننٹ جنرل نوید مختار سمیت دیگر اعلیٰ حکام نے شرکت کی۔ ملاقات میں دہشت گردی کے خلاف جنگ سے متعلق امور پر تبادلہ خیال کیا گیا جبکہ پاک امریکہ تعلقات، افغانستان میں قیام امن سمیت خطے کی صورتحال پر بھی گفتگو کی گئی۔ ملاقات کے دوران سیاسی و عسکری قیادت نے پاکستان سے متعلق نئی امریکی پالیسی پر اپنے خدشات اور تحٖظات سے آگاہ کیا۔

ملاقات کے دوران امریکی وزیرخارجہ ریکس ٹیلرسن کا کہنا تھا کہ خطے میں قیام امن اور سیکیورٹی کے لئے پاکستان کا کردار انتہائی اہم ہے اور دونوں ممالک کے درمیان بہتر معاشی تعلقات کے فروغ کے لئے اچھا موقع ہے جب کہ پاک امریکا تعلقات خطےمیں امن وسلامتی کے فروغ میں بھی اہم ہیں۔ source.... http://dailypakistan.com.pk/national/24-Oct-2017/665415