لیہ ۔ بھائی کے :پسند کی شادی کرنے پر 14سالہ بہن کا زبردستی نکاح ،علاقہ کے بااثر لوگوں کا فیصلہ ، بیٹے کے کئے کی سزا ہماری بیٹی کو زبردستی دی جا رہی ہے ، موضع ودھے والے کے رہائشی عبدالرشید اور خاندان کے دیگر افراد کا احتجاج

لیہ(صبح پا کستان)پسند کی شادی کرنے پر 14سالہ بہن کا زبردستی نکاح کرنے پر بچی کے والدین کا پریس کلب کے باہر احتجاج،لیہ کی تحصیل کروڑ کے نواحی علاقہ موضع ودھے والی کے رہائشی عبدالرشید اپنی 14سالہ بیٹی شاہینہ بی بی اور گھر کے دیگر افراد کے ہمراہ ڈسٹرکٹ پریس کلب کے باہر احتجاج کرتے ہوئے کہا کہ اس کے بیٹے محمد عثمان نے حاجی افضل کی بیٹی کے ساتھ کورٹ میرج کرلی جس کے بارے ہمیں کوئی علم نہ ہے کہ وہ دونوں کہاں ہیں علاقہ کے بااثر لوگوں شہاب الدین خان سیہڑ ایڈووکیٹ ،ماسٹر ممتاز و دیگر لوگوں حاجی محمد افضل کے ہمراہ قاری سرور کو لیکر ہمارے گھر آگئے اور ہم سے مطالبہ کیا کہ ہماری بیٹی رقیہ بی بی اور اپنے بیٹے محمد عثمان کو ہمارے حوالے کروایسا نہ کرنے پر تمہاری بیٹی شاہینہ بی بی کا حاجی محمد افضل کے بیٹے ارشد کے ساتھ نکاح کروا رہے ہیں ان لوگوں نے زبردستی میری 14سالہ بیٹی شاہینہ بی بی کا نکاح ارشد کے ساتھ قاری سرور اسرا ء کے ذریعے پڑھوا دیا جو کہ ناانصافی ہے ہمارے بیٹے کے کئے کی سزا ہماری بیٹی کو زبردستی دی جا رہی ہے ہم ڈی پی او لیہ کیپٹن ریٹائرڈ محمد علی ضیاء سے اپیل کرتے ہیں کہ ہمیں اس مصیبت سے نجات دلائی جائے ۔