لیہ(صبح پا کستان)غریب مزدور خاتون پر علاقہ نمبر دار اور اس کے بدمعاشوں کا تشدد،نمبر دار نے خاتون اور اسکے خاندان کا علاقہ میں ناطقہ بند کردیا،متاثرہ خاتون کے خاندان کی فوت شدہ اللہ جوائی کی نمازہ جنازہ امام مسجد پڑھانے سے انکاری ہوگیا،متاثرہ داد رسی کیلئے ڈی پی او لیہ کو پیش ہو گئی ،ایم پی اے لیہ کی مداخلت پولیس کاروائی سے گریزاں متاثرین کا ڈسٹرکٹ پریس کلب کے سامنے احتجاج،چکنمبر 141ٹی ڈی اے کی رہائشی خاتون پروین بی بی نے کہا کہ وہ اپنے رہائشی چک میں محنت مزدوری کرکے اپنا اور اپنے بچوں کی کفالت کرتی ہے چک کے چوک میں سکول کے سامنے بھٹی لگا کر دانے ،چھولے اور چھلیاں بھون اور بیچ کر اپنا اور اپنے خاندان کا گذارا کرتی تھی چک کے نمبر دار محمد نعیم اور غنڈوں اصغر،اکبر،اکرم نے میری لگائی گئی بھٹی کو توڑنے لگے میرے پوچھنے پر گالیاں،تھپڑ،گھونسے مار کربالوں سے پکڑ کر چوک میں گھسیٹنے لگے ان کی اس کاروائی کے دوران میرے رشتہ دار جاوید اور شبیر آگئے جنہوں نے ان لوگوں سے میری جان چھڑائی جس پر نمبردار اور اسکے بدمعاشوں کے خلاف ڈی پی او لیہ کیپٹن ریٹائرڈ محمد علی ضیاء کو پیش ہوکر اپنے ساتھ ہونے والے ظلم کی روداد سنائی ڈی پی او لیہ کو دی گئی درخواست کو ایک ماہ کا عرصہ بیت گیا پولیس ملزمان کے خلاف کاروائی کرنے سے گریزاں ہے کیونکہ ملزم نمبر دار محمد نعیم ارائیں اور بااثر زمیندار ہے ایم چوہدری اشفاق احمد بھی ارائیں ہونے کی ناطے اپنی برادری کو سپورٹ کرتے ہوئے پولیس کو کاروائی کرنے سے منع کردیا ہے ایس ایچ او نے دوران انکوائری مجھ پر تشدد کرنے والے اصغر،اکبر،اکرم اور میرے دو گواہوں جاوید اور شبیر کو ہم لوگوں پر دباؤ ڈالنے کیلئے تھانہ جیل میں بند کردیا ایم پی اے چوہدری اشفاق احمد کے پی اے نے میرے ملزمان کو پولیس کی حراست سے چھروا لیا علاقہ مکینوں محمد نادر،اللہ داد،محمد الیاس،محمدشریف،امیر خان،شیر خان،محمدبوٹا،رمضان،اظہر،غلام عباس،پرویز،رشید،فوجی محمد یوسف،محمد اقبال،قاسم،اشفاق،حقنواز،قمر زمان،اختر،اظہر،محمد طارق،محمد اشفاق نے احتجاج کرتے ہوئے کہا کہ نمبر دار محمد نعیم ارائیں نے ظلم کی انتہا کردی ہے خاتون پر تشدد کرنے بعد بس نہیں کی اب اس نے ہماری برادری کا ناطقہ بند کردیا ہے پورے علاقہ میں ہمارے ساتھ سوشل بائیکاٹ کروا دیا ہے ہماری خاتون اللہ جوائی محمد اقبال کی والدہ فوت ہوئی تو امام مسجد حافظ عبدالجبار نے محمد نعیم ارائیں نمبردار کے کہنے پر ہماری خاتون کا نماز جنازہ پڑھانے سے انکار کردیا جس پر ہم دوسرے چک سے مولوی کو بلا لائے ایک ماہ کا عرصہ گذر چکا ہے پولیس ہماری دی گئی درخواست پر کاروائی کرنے سے گریزاں ہے کیونکہ محمد نعیم ارائیں نمبردارکی مقا می ایم پی اے سپورٹ کرتا ہے ہم غریب لوگ ہیں ہمارا ڈی پی او لیہ سے مطالبہ ہے ہمارے ساتھ ہونے والے ظلم پر قانونی کاروائی کی جائے۔
