لیہ(صبح پا کستان)لیہ میں تعینات اسٹیشن ماسٹر ملک غلام اکبر کی ترقی،بطور اسٹیشن ماسٹر گریڈ تھری لاہور تعیناتی کا حکم جاری،لیہ اسٹیشن ملازمین کی طرف سے الوداعی تقریب،تقریب سے خطاب کرتے ہوئے سابق اسٹیشن ماسٹر ملک غلام اکبر نے کہا کہ لیہ عرصہ تعیناتی کے دوران ریلوے اسٹیشن کی تعمیر وترقی میں لیہ عملہ کے تعاون سے اپنا بھرپور کردار ادا کیا،لیہ ریلوے اسٹیشن کو اپ گریڈ کرانے کیلئے بھرپور کام کیا گیا جس میں ہم تمام لوگ کامیاب رہے عملہ کے تعاون سے اعلیٰ افسران کے لیہ اسٹیشن کے ہونے والے دورہ جات کی کامیابی کے سرٹیفیکیٹ حاصل کئے گئے،انہوں نے کہا کہ ترقی تبادلے نوکری کا حصہ ہوتے ہیں ڈیوٹی دینے والا جس پوسٹ اور جگہ پر تعینات ہو وہ اپنے فرائض منصبی احسن طریقہ اور ایمانداری سے نبھائے تو اس کا صلہ اس دنیا میں بھی مل جاتا ہے اور آخرت میں بھی اللہ کے ہاں سرخرو ہوجاتا ہے انہوں نے اپنے خطاب میں لیہ ملازمین سے اپنے ایام تعیناتی کے دوران اگر کسی کی بھی دل آزاری ہوئی اس پر معذرت بھی کی تقریب کے اختتام پر ملک اکبر کو عملہ نے تحائف دیئے اور ہار بھی پہنائے۔
