لیہ ۔ بھٹہ مزدور پر تشدد نہیں کیا ۔ پھو لی خان

۔بھٹہ مزدور پر تشدد نہیں کیا ۔ پھو لی خان
لیہ(مہر زاہد واندر سے ) بھٹہ مزدور پر تشدد کا الزام ، بھٹہ مالک نے الزامات کی تردید کردی، مزدور پر بلیک میلنگ کا الزام۔ جمن شاہ میں بھٹہ مزدور پر تشدد ، حبس بے جا میں رکھنے کے الزامات کی تردید کرتے ہوئے بھٹہ مالک پھولی خان نے جمن شاہ میں پریس کانفرنس کرتے ہوئے کہا کہ بھٹہ مزدور نے ایک سال سے اس کے ایڈوانس کی مد میں لئے گئے 45ہزار دینے ہیں جس کو ہڑپ کرنے کے لئے وہ مجھ پر الزامات لگا رہا ہے جس میں کوئی حقائق نہیں ہیں۔ سوال کے جواب میں ان کا کہنا تھا کہ باقی بھٹہ مزدور اس بات کی گواہی دے رہے ہیں کہ بھٹہ مزدور غلام عباس پیسے ہٹرپ کرنے کے لئے بے جا الزامات لگا رہا ہے۔