پریس کلب کوٹ سلطان کے انتخابات ۔ عابد فاروقی صدر ،محمد محسن جزل سیکرٹری منتخب
کوٹ سلطان (صبح پا کستان )پریس کلب کوٹ سلطان کے انتخابات، سید عابد فاروقی صدر، محمد محسن جنرل سیکرٹری منتخب ۔ پریس کلب کوٹ سلطان کی سابقہ باڈی کا دوسال کا عرصہ مکمل ہونے کے بعد گزشتہ روز انتخابات منعقد ہو ئے جس کے نتیجے میں سید عابد حسین فاروقی صدر جبکہ محمد محسن رضا جنرل سیکرٹری منتخب ہو گئے۔ دیگر عہدیدران میں سینئر نائب صدر مہر در محمد کھیڑا، محمد اکرم دستی نائب صدر، سجاد منجوٹھہ فنانس سیکرٹری ہوئے۔ نو منتخب صدر عابد فاروقی نے گفتگو کرتے ہوئے کہاکہ صحافیوں کی فلاح وبہبود کے لئے بھر پور
کوششیں کرتے ہوئے کوٹ سلطان میں پریس کلب کے لئے اراضی کا حصول سمیت صحافی کالونی اور صحافیوں کے اتحاد کے لئے بھرپور کوششیں کی جائیں گی۔ انہوں نے کہاکہ صحافی معاشرے کی آنکھ ہیں جو معاشرے میں مثبت تبدیلی کے لئے اپنا اہم کردار ادا کر سکتے ہیں۔ اس موقع پر جام محمد اشرف، محمد حنیف، خضر سلطان، محمد اظہر بھٹی، زاہد واندر، محمد اکرم دستی، ڈاکٹر محمد ارشد، خلیل اختر، محمد راشد ویگر صحافی بھی موجود تھے۔
