بہاولپور (صبح پاکستان ) – پاکستان انٹرپرینیور ایمپاورمنٹ فورم (PEEF) کا یومِ تاسیس اور "سات رنگی شام سیزن 2" کی تقریب گورنمنٹ ٹیکنالوجی کالج فار ویمن بہاولپور میں نہایت شاندار اور پروقار انداز میں منعقد ہوئی۔ تقریب کی میزبانی کالج کی پرنسپل محترمہ سمیرا صالحہ اور چیئرپرسن و فاؤنڈر PEEF محترمہ شازیہ نورین خان نے کی۔ تقریب کا آغاز تلاوتِ کلامِ پاک اور نعتِ رسول مقبول ﷺ سے ہوا۔ قومی ترانے کے بعد پروگرام کا آغاز ہوا اس خیالات کا اظہار تحریک بحالی صوبہ بہاولپور کے مرکزی رہنما محمد اکرم انصاری نے گزشتہ روز سید تابش الوری سے ملاقات کے دوران کہی اس کے بعد مقابلوں کا آغاز کیا گیا جن میں تقریری، پچ پریزنٹیشن، گلوکاری، آرٹ، فوٹوگرافی، ہینڈی کرافٹ اور ککنگ شامل تھے۔ طلبہ و طالبات نے بھرپور شرکت کی اور شاندار صلاحیتوں کا مظاہرہ کیا۔ نتائج کے مطابق تقریری اور ککنگ مقابلہ APWA اسکول نے جیتا، پچ پریزنٹیشن میں گورنمنٹ ٹیکنالوجی کالج فار ویمن نے کامیابی حاصل کی جبکہ پینٹنگ مقابلے میں شاہدہ اسلام انسٹی ٹیوٹ کے نعمان خان نے پہلی پوزیشن حاصل کی۔ مہمانِ خصوصی جامعہ اسلامیہ بہاولپور کے وائس چانسلر پروفیسر ڈاکٹر محمد کامران کے نمائندہ ڈاکٹر نوید رانجھا تھے، جبکہ خواتین یونیورسٹی بہاولپور کی نمائندگی پروفیسر ڈاکٹر آمنہ نے کی۔ مہمانانِ اعزاز میں پروفیسر ڈاکٹر شازیہ انجم (VC خواتین یونیورسٹی بہاولپور)، محترمہ آصفہ سلیم (چیئرپرسن APWA بہاولپور), جام حضور بخش لاڑ (چیئرمین کسان بورڈ پنجاب), اکرم انصاری (سماجی کارکن و تحریک بحالی صوبہ بہاولپور), خالد سعید (فنکار و مصور), محمد ارحم (سوشل انٹرپرینیور), محمد شاکر (CEO Data Edge), امجد ملک (ینگ بزنس اونر), پروفیسر ڈاکٹر فرحانہ سروت, محترمہ فوزیہ ایوب قریشی, محترمہ رضوانہ گیلانی (پرنسپل APWA اسکول), طارق حمید سلیمانی, ڈاکٹر شاہیر رضوی, محسن رضا جویہ (فوٹوگرافر), BWCCI و BCCI ٹیمز, پکسار زمین ٹیم, بائیکرز ایسوسی ایشن اور دیگر معزز شخصیات شامل تھیں۔ "پرائیڈ آف بہاولپور ایوارڈز" کے تحت پروفیسر ڈاکٹر محمد کامران، پروفیسر ڈاکٹر شازیہ انجم، محترمہ آصفہ سلیم، محمد ارحم، خالد سعید، اکرم انصاری اور جام حضور بخش لاڑ کو خصوصی ایوارڈز سے نوازا گیا۔ تقریب کے کامیاب انعقاد کا سہرا PEEF ٹیم (مسز بشریٰ، مسز مدیحہ، مسز حوریہ، عبد الرحمان خان، سبحان خان، ولی خان، رانا غضنفر، عرفان خان، عثمان شاہین، محمد نعمان، مدیحہ طاہر، حوریہ طارق، ڈاکٹر غوث نازنین)، گورنمنٹ ٹیکنالوجی کالج فار ویمن کی ٹیم (پرنسپل مسز سمیرا صالحہ اور فیکلٹی ممبران)، اور میڈیا ٹیمز ( محمد انور مغل ڈاکٹر محمد اکرم خان، حنظلہ معاویہ صدر ریجنل پریس کلب بھاولپور ارشد بھٹی راجپوت اور ٹیم) کے تعاون کو جاتا ہے۔ تقریب کے اختتام پر مہمانوں اور اسپانسرز کو شیلڈز پیش کی گئیں جبکہ شرکاء کے اعزاز میں ہائی ٹی کا بھی اہتمام کیا گیا اور طلبہ کی حوصلہ افزائی کی گئی