لیہ(صبح پا کستان) ایڈیشنل ڈپٹی کمشنر ریونیو نعیم اللہ بھٹی نے کہا ہے ڈرپ ایری گیشن سسٹم کی افادیت کو اجاگر کرنے کے لیے ضلع بھرمیں آگہی سیمینار منعقد کروائے جائیں تاکہ پانی کی بچت کے زریعے زرعی مداخل میں کمی لائی جاسکیں۔انہوں نے یہ بات دسٹرکٹ ایڈوائزری کمیٹی کے اجلاس کی صدارت کرتے ہوئے کہی۔اجلاس میں اے سی چوبارہ صفات اللہ خان،ڈپٹی ڈائریکٹر واٹر مینجمنٹ رشید خان چنگوانی ،اسسٹنٹ ایگر ی کلچر ل کیمسٹ سوائل فرٹیلٹی محمد اشرف بھٹی ،زراعت افسران ،فرٹیلائزر ڈیلر اور کاشت کاروں کے نمائندوں نے شرکت کی۔اے ڈی سی نے کہا کہ محکمہ زراعت کے ماہر ین کاشت کاروں کو جدید مشینی کاشت کے بارے میں تکنیکی معاونت فراہم کریں تاکہ کاشت کار زرعی مداخل میں کمی لا کر خوش حال ہوسکیں۔انہوں نے کہا ڈرپ سسٹم سے قبل سوائل اور پانی کا تجزیہ کیا جائے اور موزوں جگہ پر ڈرپ سسٹم لگایا جائے ۔اجلاس میں بتایا گیا کہ ضلع بھر میں اب تک 208ایکٹر رقبہ پر ڈرپ سسٹم کی تنصیب کے لیے ورک آرڈر جاری ہوچکے ہیں اور 115ایکٹر پر ڈرپ سسٹم لگایا جاچکاہے ۔جس کی وجہ سے ضلع لیہ صوبہ بھر میں اس جد ید ایری گیشن سسٹم کی ریکنگ میں پہلی پوزیشن پر ہے ۔اجلاس میں بتایا گیا کہ ضلع میں امسال پانچ لاکھ 72ہزار سے زائد رقبہ پر گندم جبکہ دو لاکھ 52ہزار ایکٹر رقبہ پر چنا کی فصل کاشت کی گئی ہے جو ٹارگٹ سے زائد ہے ۔اجلاس میں بتایا گیا کہ ضلع میں مختلف فصلوں کے بیج ،کھاد اور زرعی ادویات وافر مقدار میں موجود ہیں اور کاشت کاروں کو پنجاب حکومت کی جانب سے فراہم کردہ سبسڈائز نرخوں پر کھادوں کی فراہمی کا عمل جاری ہے ۔اجلاس میں بتایا گیا کہ ضلع میں سال 2015-16کے دوران جدید زرعی مشینری کے 38مکمل سیٹ تقسیم کیے گئے اور محکمہ کی طرف سے 694ویلجز کے ایک ہزار 789کاشت کاروں میں 50کلو گرام وزن کی جڑی بوٹیوں سے پاک 3ہزار سے زائد گندم کے بیگ مفت تقسیم کیے گئے ہیں تاکہ کاشت کار زیادہ پیداوار حاصل کرسکیں