Tag: sadiq abad news

لاہور. موٹاپے کا شکار صادق آباد کا رہائشی نور حسن انتقال کردیاگیا۔تفصیلات کے مطابق موٹاپے کے شکار نور حسن نے کچھ عرصہ قبل سوشل میڈیا پر آرمی چیف جنرل قمر جاوید باجوہ سے علاج کی درخواست کی گئی تھی،جس پر نور حسن کو خصوصی ہیلی کاپٹر کے ذریعے لاہور کے نجی ہسپتال منتقل کیا گیا تھا ،نورحسن کی دو ہفتے پہلے سرجری کی گئی تھی ،سرجری کے بعد نورحسن کو ہسپتال میں ہی رکھا گیا تھا ،خاندانی ذرائع کا کہناہے کہ نور حسن کا انتقال ہارٹ اٹیک کے باعث ہوا۔ نجی ٹی وی نے ذرائع کے حوالے سے بتایا ہے کہ ان کا انتقال ہسپتال میں توڑ پھوڑ کے باعث ہواجبکہ ان کے علاوہ ایک اور مریض بھی جان کی بازی ہار گیا ۔تفصیلات کے مطابق نجی ہسپتال میں ایک خاتون ڈلیوری کے دوران حالت بڑگنے پر انتقال کر گئی جس پر اس کے لواحقین کی جانب سے آئی سی یو سمیت ہسپتال کے دیگر حصوں میں شدید توڑ پھوڑ کی گئی جبکہ آئی سی یو میں لائف سپورٹ کی مشینوں کو بھی نقصان پہنچایا گیا ۔نورالحسن کی دس روز قبل سرجری ہوئی تھی اور ان کی حالت بہتر ہو تی جارہی تھی تاہم درمیان میں حالت تھوڑی بگڑنے پر انہیں آئی سی یو میں منتقل کیا گیا تھا ۔نورالحسن کو ڈرپ کے علاوہ بلڈ پریشر سمیت دیگر آلات لگائے گئے تھے ، ان کے ساتھ بھی کھینچا تانی کی گئی جس کے باعث آئی سی یو کا ماحول خراب ہوا اور وہ انتقال کر گئے جبکہ ان کے علاوہ ایک اور مریض بھی جان کی بازی ہار گیا ۔نجی ٹی وی کا کہناہے کہ لواحقین کی جانب سے ڈاکٹروں کے ساتھ بھی نہایت بد تمیزی کی گئی .ہسپتال ذرائع کے مطابق نورالحسن 3 ہفتے سے لاہور کے نجی اسپتال میں زیر علاج تھا جہاں اس کا 10 روز قبل آپریشن کیا گیا تھا، ڈاکٹروں نے نورالحسن کا آپریشن کرکے اس کے معدے کا سائز چھوٹا کردیا تھا اور آپریشن کو کامیاب قرار دیا تھا۔آپریشن کے بعد نورالحسن کو آئی سی یو میں داخل کیا گیا تھا جہاں وہ پیر کے روز اچانک انتقال کرگیا۔