لیہ( صبح پا کستان ) تحفظ ناموس رسالتؐکیلئے اہلسنت کا بچہ بچہ کٹ مرنے کو تیار ہے توہین رسالت قانون میں ترمیم برداشت نہیں کریں گے ۔پاکستان کے دشمنوں کے ناپاک عزائم کو خاک میں ملانے کیلئے تمام محب وطن سیاسی ومذہبی جماعتوں کو ایک پلیٹ فارم پر متحد و منظم ہوجانا چاہیے ۔ان خیالات کا اظہار علامہ امیر محمد بھوروی نے محفل میلاد مصطفی محلہ قادرآبادمیں خطاب کے دوران کیا ۔صدارت پیر سید سبط الحسنین شاہ گیلانی نے کی۔علامہ امیر محمد بھوروی نے دہشت گردوں اور انکے سہولت کاروں کے خلاف پاک فوج کے آپریشن ردالفساد کی بھر پور حمایت کا اعلان کیا ہے اور کہا کہ پاکستان کے دفاع کیلئے اہلسنت کے علماء ومشائخ پاک فوج کے شانہ بشانہ کھڑے ہیں انہوں نے لوگوں پر زور دیا کہ احکامات الہیہ پر عمل کریں ۔برائیوں سے بچیں اورنماز پنجگانہ کی ادائیگی کو لازم بنائیں ۔فحاشی ،عریانی بے حیائی کے سیلاب سے بچنے کیلئے اللہ اور اسکے محبوب حضرت محمد مصطفی ؐ کے فرمان کے مطابق زندگیوں کو گزاریں ۔
