لیہ (صبح پا کستان)آبی گزرگاہوں ،نشیبی علاقوں کی رابطہ سڑکات ،پلوں اور کچے راستوں کی موثر نگرانی مانیٹرنگ ،مستقل طو رپر گشت و پڑتال کو یقینی بنا کر ان علاقوں سے آنے والے سماج دشمن عناصر کی مذموم سرگرمیوں سے عوام کو محفوظ بنایا جائے۔ یہ بات ڈی ایس پی صدر ارشاد حسین شاہ نے دریائی پوسٹ بیٹ وساوا خانو والاکے معائنہ کے موقع پر کہی۔اس موقع پر انچارج دریائی پوسٹ فیض محمدنے دریائی پوسٹ کی کارکردگی ،کشتیوں کے ذریعے آمدورفت پرکڑی نظر رکھنے اور گشت کے بارے میں بتایا ۔ڈی ایس پی نے ہدایت کرتے ہوئے کہا کہ کچے کے علاقوں کی تمام کچی وپکی سڑکات ،پلوں ،راستوں کی کڑی نگرانی کے لیے گشت کے نظام کو مزید بہتر بنایا جائے، نائٹ گشت کے دوران لنک روڈ پر گشت کیا جائے اور فوقتاً فوقتاًکشتیوں کے ذریعے آنے جانے والے لوگوں کی بائیومیڑک تصدیق کی جائے۔
