ملتان (صبح پا کستان )یوم پاکستان کے سلسلے میں یاد گار شہداء پر ایک پروقار تقریب کا انعقاد کیا گیا جس میں مہمان خصوصی گریژن کمانڈرمیجر جنرل محمد عارف نے یاد گار شہداء پر سلامی دی اور پھولوں کی چادر چڑھائی ۔ا علاوہ ازیں ملتان گریژن میں 23مارچ یوم پاکستان کے حوالے سے پروقار تقریبات کا انعقاد کیاگیا ۔ تقریبات کا مقصد جنوبی پنجاب میں یوم پاکستان کے دن کی اہمیت کو اجاگر کرنا تھا۔تقریبات کا آغاز قرآن خوانی اور ملک کی سلامتی کیلئے دُعا سے کیا گیا۔
مختلف تقریبات میں سکول وکالج کے بچوں نے ملی نغمے پیش کئے۔جن میں جنوبی پنجاب کی ثقافت کو اجاگر کرنے کے لئے میوزک کا بھی اہتمام کیاگیا جس میں فنکاروں نے یوم پاکستان کی مناسبت سے اپنے فن کا مظاہرہ کیا تقریب میں آرمی آفسر ان اور جوانوں سمیت تمام شعبہ ہائے زندگی سے تعلق رکھنے والے افراد کی کثیر تعداد نے شرکت کی۔
اس دن کی مناسبت سے ،ملتان گریژن کی شاہراوں اور عمارتوں کو برقی کمکموں سے سجایا گیا اس کے علاوہ ملتان گریژن میس میں ریٹائرڈ آرمی افسران اور جوانوں کے اعزاز میں ملن پارٹی کا بھی اہتمام کیا گیا ۔
