ڈیرہ غازیخان ۔ مردم شماری ، گھر شماری کے بعد افراد کا اندراج شرو ع ،. ایڈیشنل کمشنر کوآرڈینیشن اظفر ضیاء نے افتتاح کیا ،. اس موقع پر لیفٹیننٹ کرنل آصف ، ڈی پی او چودھری سجاد حسین گجر ، ایڈیشنل ڈپٹی کمشنر ریونیو عبدالشکور ، اسسٹنٹ کمشنر جنرل محمد اسد ، ڈائریکٹر لوکل گورنمنٹ اظہر حسین چانڈیہ ، ڈویژنل کوآرڈینیٹر سینسس اخلاق احمد سمیت دیگر متعلقہ افسران موجود تھے

ڈیرہ غازیخان(صبح پا کستان) ڈیرہ غازیخان ڈویژن میں گھر شماری کے بعد افراد کا اندراج شرو ع کر دیاگیاہے . ایڈیشنل کمشنر کوآرڈینیشن اظفر ضیاء نے گھرگھر جا کر خاندان کے افراد کا اندراج کر کے مردم شماری کاباقاعدہ افتتاح کیا. اس موقع پر لیفٹیننٹ کرنل آصف ، ڈی پی او چودھری سجاد حسین گجر ، ایڈیشنل ڈپٹی کمشنر ریونیو عبدالشکور ، اسسٹنٹ کمشنر جنرل محمد اسد ، ڈائریکٹر لوکل گورنمنٹ اظہر حسین چانڈیہ ، ڈویژنل کوآرڈینیٹر سینسس اخلاق احمد سمیت دیگر متعلقہ افسران موجود تھے . ایڈیشنل کمشنر نے میڈیا سے بات چیت کرتے ہوئے کہاکہ دو روز کے دوران ڈیرہ غازیخان ڈویژن میں 817846 گھروں کا اندراج کیاگیاہے. 30مارچ تک افراد کا اندراج کیاجائے گا . رہ جانے والے گھروں اور افراد کا اندراج دوسرے مرحلے کے تحت اپریل میں شروع کیا جائے گا . جس کیلئے پہلے سے تعینات 5533ملازمین حصہ لیں گے . انہوں نے کہاکہ پاک فوج کے تعاون سے قومی فریضہ احسن طریقے سے انجام دیا جارہاہے .