ملتان(صبح پا کستان)چھوڑ کر جانیوالوں کی پیپلزپارٹی میں واپسی کا سلسلہ اوراُس میں بتدریج اضافہ مخالفین کے منہ پر طمانچہ اور یہ ثابت ہوگیا ہے کہ پیپلزپارٹی کے خاتمے کی باتیں کرنیوالے احمقوں کی جنت میں رہتے ہیں اور پیپلزپارٹی کو ختم کرنے کی سوچ محض ایک دیوانے کا خواب ہے جبکہ چےئرمین بلاول بھٹو زرداری کا ملتان میں تاریخی جلسہ ہر صورت ہوگا۔ جیالے کارکن جلسہ کی تیاریوں کی جدوجہد جاری رکھیں۔ ان خیالات کا اظہار سابق وزیراعظم سید یوسف رضا گیلانی کے صاحبزادے سابق ممبر قومی سمبلی سید عبدالقادر گیلانی نے ملتان کینٹ میں پارٹی رہنما شیخ اعظم کی جانب سے لال کرتی میں منعقدہ تقریب سے خطاب کرتے ہوئے کیا ۔ اس موقع پر مسلم لیگ نوازچھوڑ کر پیپلزپارٹی میں شمولیت کا اعلان کرنے والوں میں سیاسی وسماجی رہنما عبدالحق، ظفر بٹ ، محبوب عالم خان، عبداللہ خان، شیخ اعظم، سلطان خان، صدیق تھہیم، رئیس الدین قریشی، راؤ ساجد علی، وقاص اختر خان، طاہر شاہ، اقبال عرف بالی چائے والا، حاجی غلام شبیر، رانا ارشد، ریحان خان، شیخ عبدالوحید، عمران جاوید سمرا، کاشف وارثی، ملک مجید ، شفقت قریشی اور دیگر نے شامل ہیں۔ سابق ممبر قومی سمبلی سید عبدالقادر گیلانی نے یونٹ آفس کاافتتاح بھی کیا جبکہ اس موقع پر ملک مجید، محمد سلیم، عبدالشکور کاکا، ملک مجید، بابا ظہیر سمیت کارکنوں اور اہل علاقہ کی کثیر تعداد موجود تھی، سید عبدالقادر گیلانی، راؤ ساجد اور رئیس قریشی نے مزید کہا کہ چےئرمین بلاول بھٹو عوام کی امیدوں کی آخری کرن جبکہ قوم و ملک کا روشن مستقبل چےئرمین بلاول بھٹو سے جڑا ہے۔
ملتان ۔ لال کرتی کینٹ میں پی پی پی کے منعقدہ جلسہ سے سا بق رکن قو می اسمبلی عبد القادر گیلانی اور دیگر مقررین خطاب کر رہے ہیں
