لیہ ۔ پاناماکیس ملک کی تقدیر بدل دے گا، کرپٹ حکمران حیلے بہانے تلاش کرنے کی بجائے عوام کو حساب دیں ۔یوتھ کنونشن سے لیاقت بلوچ کا خطاب

لیہ(صبح پا کستان ) جماعت اسلامی یوتھ کے زیر اہتمام کنونشن کا انعقاد، مرکزی جنرل سیکرٹری لیاقت بلوچ نے خصوصی شرکت کی۔میلاد گراؤنڈ لیہ میں منعقدہ جماعت اسلامی یوتھ کے کنونشن سے خطاب کرتے ہوئے مرکزی جنرل سیکرٹری جماعت اسلامی لیاقت بلوچ نے کہا کہ نوجوان ملک کا مستقبل ہیں، نوجوانوں کے ہاتھ میں ملک کی تقدیر ہے،آئندہ الیکشن میں نوجوان فیصلہ کریں گے کہ وہ کیسا پاکستان چاہتے ہیں، لیاقت بلوچ نے کہا کہ پاناماکیس ملک کی تقدیر بدل دے گا، کرپٹ حکمران عوام کو حساب دینے کی بجائے حیلے بہانے تلاش کر کے راہ فرار اختیار کر رہے ہیں، لیاقت بلوچ کا کہنا تھا کہ دینی جماعتیں ملک کی ترقی کی کنجی ، آئندہ انتخابات میں دینی جماعتوں کا اتحاد مغربی طاقتوں کا راستہ روکے گا، کنونشن سے جے آئی یوتھ کے مرکزی امیر زبیر گوندل ، اصغر گجر نے بھی خطاب کیا، کنونشن میں ملک کی ترقی و خوشحالی کے لئے دعا بھی کرائی گئی۔