لیہ نشیب میں دریائی کٹاو سے بچاو اور متاثرین کی بحالی اولین ترجیح ہے۔مہراعجاز احمد اچلانہ

لیہ (صبح پا کستان)نشیبی علاقوں کے مکینوں کو دریائی کٹاؤ و سیلابی پانی سے محفوظ رکھنے کے لیے لانگ ٹرم و شارٹ ٹرم منصوبوں پر کام کیا جارہا ہے اور 23کروڑ روپے کی لاگت سے ایف نارتھ بند کی تعمیر و توسیع کامنصوبہ اسی سلسلہ کی عملی کڑی ہے ۔یہ با ت صوبائی وزیر ڈیزاسٹرمینجمنٹ مہراعجاز احمد اچلانہ نے رکھ کھوکھر والامیں خدا بخش چانڈیہ ،نذیر احمد کھرل کے ڈیرہ پر اور موضع خونی کارلو میں سیٹھ امیر محمدکے ڈیر ہ پر منعقدہ کارکنوں کے اجتماع سے خطاب کرتے ہوئے کہی۔صوبائی وزیر نے کہا کہ دریائی کٹاو سے بچاو اور متاثرین کی بحالی ان کی اولین ترجیح ہے جس کے لیے شبانہ روز کوششوں کے ذریعے کام کیا جارہاہے ۔اس موقع پر صوبائی وزیر کو شہریوں نے مختلف اجتماعی وانفرادی مسائل کے بارے میں آگا ہ کیا جس کے حل کے لیے صوبائی وزیر نے موقع پرہی احکامات جاری کرنے کے علاوہ جلد حل کی یقین دھانی کرائی ۔اس موقع پر وائس چیئرمین ضلع کونسل نور محبوب میلوانہ ،یوسی چیئرمین ریاض میلوانہ ،مہر سعید اچلانہ ،عبدالمجیدسوہیہ ،ڈاکٹرمزمل حسین ،مہر عمران اچلانہ بھی موجودتھے۔صوبائی وزیر نے جیسل نشیب کے علاقے میں نالہ لالہ پر پُل کی تعمیر کا بھی اعلان کیا۔