ڈیرہ غازیخان۔ 5فروری کو یوم یکجہتی کشمیر بھر پور طریقے سے منایا جائے گا۔ریلیاں ، سیمینار اور پروگرامز منعقد کیے جائیں گے
ڈیرہ غازیخان(صبح پا کستان )حکومت پنجاب کی ہدایت پر ضلع ڈیرہ غازیخان میں 5فروری کو یوم یکجہتی کشمیر بھر پور طریقے سے منایا جائے گا. سرکاری محکموں کی طرف سے ریلیاں ، سیمینار اور پروگرامز منعقد کیے جائیں گے . کشمیر میں بھارتی جارحیت کو بے نقاب کرنے اور کشمیریوں سے یکجہتی کیلئے مختلف مقامات پر آگاہی بینرز اور پوسٹر آویزاں کیے جائیں گے. انتظامات کو حتمی شکل دے دی گئی ہے . یہ بات ایڈیشنل ڈپٹی کمشنر جنرل محمد اقبال مظہر مہار نے ڈپٹی کمشنر آفس میں منعقدہ اجلاس کی صدارت کرتے ہوئے کہی. انہوں نے کہاکہ میونسپل کارپوریشن آفس سے دس بجے صبح میئر شاہدحمید چانڈیہ کی زیر قیادت ریلی نکالی جائے گی . اسی طرح گورنمنٹ کمپری ہینسو سکول ڈیرہ غازیخان سے ایڈیشنل ڈپٹی کمشنر جنرل 11بجے دن ریلی کی قیادت کریں گے جوآرٹس کونسل میں اختتام پذیر ہو گی . علاوہ ازیں آرٹس کونسل کے زیر اہتمام” کشمیر بنے گا پاکستان "کے موضوع پر آرٹس کونسل آڈیٹوریم میں اصلاحی ڈرامہ بھی پیش کیا جائے گا. اجلاس میں ڈائریکٹر سوشل ویلفیئر فاروق احمد ، ریذیڈنٹ ڈائریکٹر آرٹس کونسل محمد اسداللہ شہزاد سمیت متعلقہ افسران موجود تھے
.
ڈیرہ غازیخان۔ اسداللہ شہزادنئے.اسسٹنٹ ڈائریکٹر آرٹس کونسل تعینات 
ڈیرہ غازیخان(صبح پا کستان).اسسٹنٹ ڈائریکٹر اسداللہ شہزادنے ر یذیڈنٹ ڈائریکٹر آرٹس کونسل ڈیرہ غازیخان کی اضافی ذمہ داریاں سنبھال کر کام شروع کر دیا ہے
.
ڈیرہ غازیخان۔ شاہراہوں پر سفر محفوظ بنانے کیلئے ہر ممکن اقدامات کیے جا رہے ہیں ۔.ایس پی پٹرولنگ عمران کشور
ڈیرہ غازیخان(صبح پا کستان ).ایس پی پٹرولنگ ڈیر ہ غازیخان ریجن عمران کشور نے کہا ہے کہ ریجنل پٹرولنگ پوسٹس نے گزشتہ ماہ مختلف نوعیت کے 113مقدمات درج کر کے 128ملزمان گرفتار کیے. مشکوک ، غیر رجسٹرڈ اور کاغذات نہ رکھنے پر 5405موٹر سائیکل تھانوں میں بند کیے گئے . حادثات اور دیگر واقعات میں 603ضرورت مند افراد کو امداد فراہم کی گئی . ایس پی نے بتایاکہ پٹرولنگ پولیس ڈیرہ غازیخان ریجن نے جنوری کے دوران تیز رفتاری کے 73،ناجائز اسلحہ کے تین ، منشیات کے سات ، روڈ بلاک ، اوورلوڈنگ ، پٹرولیم مصنوعات کی ناجائز خریدوفروخت اور مسروقہ کھاد برآمد ہونے کے 31مقدمات درج کرائے . 12اشتہاریوں سمیت 128ملزمان گرفتار کیے گئے . انہوں نے کہاکہ شاہراہوں پر سفر محفوظ بنانے کیلئے ہر ممکن اقدامات کیے جا رہے ہیں . ملازمین کو متنبہہ کردیاگیاہے کہ فرائض میں غفلت پر سخت کارروائی کی جائے گی
.
ڈیرہ غازیخان۔ڈویژن میں پو لیس محرران کا دو روزہ ریفریشر کورس اختتام پذیر ہو گیا
ڈیرہ غازیخان(صبح پا کستان ).ایڈیشنل آئی جی پٹرولنگ امجد جاوید سلیمی کی ہدایت پر ڈیرہ غازیخان ڈویژن میں محرران کا دو روزہ ریفریشر کورس اختتام پذیر ہو گیا ہے. پٹرولنگ پولیس کی طرف سے جاری مراسلہ کے مطابق ریجن کے تمام محرران کو سرکاری ریکارڈ کی بروقت اور درست تکمیل سمیت دیگر پیشہ وارانہ امور کی تربیت دی گئی . دو روزہ تربیتی کورس کے دوران ڈیرہ غازیخان اور راجن پور میں ڈی ایس پی محمد سہیل متین ، مظفرگڑھ او رلیہ میں محمد وسیم اعجاز نے نگرانی کے ساتھ ساتھ محرروں کو لیکچرز دیئے . تربیتی سیشن میں اے ایس آئی خالد اقبال ، ہیڈکانسٹیبل جمشید اقبال ، سہیل انجم ، شبیر آصف ، خلیل احمد اوردیگر نے لیکچرز دیئے .
