ڈیرہ غازیخان (صبح پا کستان)اللہ رکھا انجم نے بحیثیت ڈپٹی کمشنر ڈیرہ غازیخان چارج سنبھال کر کام شروع کر دیاہے. ڈیرہ میں پہلے روز متعلقہ افسران سے تعارفی اجلاس کے علاوہ ڈی سی آفس ، ایڈیشنل ڈپٹی کمشنر فنانس و پلاننگ ، ایڈیشنل ڈپٹی کمشنر جنرل ، ایڈیشنل ڈپٹی کمشنر ریونیو ، اسسٹنٹ کمشنر سمیت دیگر مختلف سرکاری دفاتر کا معائنہ کیا. صفائی کی صورتحال کے ساتھ ساتھ مختلف امور کا جائزہ لیا . انہوں نے صفائی کی صورتحال بہتر کرنے کیلئے ہدایات جاری کیں . اس موقع پر ایڈیشنل ڈپٹی کمشنر جنرل و ہیڈکوارٹر محمد اقبال مظہر ، ایڈیشنل ڈپٹی کمشنر ریونیو عبدالشکور ، اسسٹنٹ کمشنر صدر اصغر مجید بلوچ سمیت دیگر متعلقہ افسران ہمراہ تھے .
واضح رہے کہ ان کے پیشر و ندیم الرحمن کو ایس اینڈ جی اے ڈیپارٹمنٹ لاہو رمیں رپورٹ کرنے کی ہدایات جاری کی گئی ہیں
