لیہ ۔ ٹریفک قوانین کی خلاف ورزی پر کوئی رعائت نہیں ۔محمداقبال ظفر

لیہ(صبح پا کستان) غیر قانونی موٹرسائیکل ریڑھا کالے شیشے والی گاڑیوں بلا نمبر گاڑیوں کیخلاف بھی کمپین جاری،ٹریفک قوانین کی خلاف ورزی پر کسی قسم کی کوئی رعائت نہیں برتی جائے گی۔ڈی ایس پی ٹریفک ۔تفصیلات کے مطابق ڈی ایس پی ٹریفک محمداقبال ظفر نے گفتگوکرتے ہوئے کہا کہ ٹریفک پولیس شاہراہوں پر ٹریفک قوانین پر عمل درآمدکویقینی بنانے کیلئے مصروف عمل ہے جبکہ ٹریفک ایجوکیشن یونٹ کی طرف سے ٹریفک قوانین کے متعلق آگاہی اور شعوراجاگرکرنے کیلئے لیکچرزکاانعقادبھی جاری ہے انھوں نے کہا کہ ٹریفک قوانین کی خلاف ورزی پر کسی قسم کی کوئی رعائت نہیں برتی جائے گی انھوں نے کہا کہ گزشتہ 15دن میں ٹریفک قوانین کی خلاف ورزی پر 1810چالان کیئے جن میں ،52بسیں،61ہائی ایس،201ٹرک،56رکشے، 84ڈالے،42ٹریکٹرٹرالی،29کاریں،1282موٹرسائیکل کے چالان کئے گئے اوراس دوران 6لاکھ16ہزار950روپے کے جرمانے بھی کئے گئے انھوں نے کہاکہ شاہراہوں پر چلنے والے غیرقانونی موٹرسائیکل ریڑھیوں کیخلاف بھی خصوصی مہم کاآغاز کردیاگیاہے۔