ڈیرہ غازی خان .پاناما کیس نواز حکومت کو لے ڈوبے گا ۔ عمران خان

ڈیرہ غازی خان (صبح پا کستان)سب لوگ تخت لاہور سے تنگ آ چکے ہیں اور پاناما کیس کے نتیجے میں قوم کو شریف مافیا سے نجات مل جائے گی ۔ان خیالات کا اظہار پاکستان تحریک انصاف کے چیرمین عمران خان نےڈیرہ غازی خان میں ایک بڑے جلسے سے خطاب کرتے ہوئے کیا انہوں نے کہا کہ کہ سب لوگ تخت لاہور سے تنگ آ چکے ہیں بلکہ لاہور والے بھی تخت لاہور سے تنگ آ چکے ہیں، اللہ نے پاناما کیس میں نواز شریف کے خلاف سو موٹو نوٹس لے لیا ہے اور پاناما کیس کے نتیجے میں قوم کو شریف مافیا سے نجات مل جائے گی۔ انہوں نے کہا کہ نواز شریف نے قوم کا پیسہ چوری کر کے بیرون ملک اپنے بچوں کو منتقل کیا، شریف خاندان نے اسحاق ڈار کے ذریعے منی لانڈرنگ کی لیکن اللہ کی پکڑ میں آ گئے، اگر ہم کرپشن کے خلاف جنگ جیت گئے تو پاکستان بدل جائے گا، عوام تیار ہو جائیں کیونکہ نواز حکومت کا جلد خاتمہ ہونے والا ہے اور نیا پاکستنا بننے والا ہے، نیا پاکستان نظریے پر بنے گا، ایسا ملک بنائیں گے جہاں ایک عام آدمی کا بچہ سرکاری اسکول میں پڑھ کر ملک کا وزیر اعظم بن سکے۔
یہاں یہ بات قابل ذکر ہے کہ ڈیرہ غازیخان میں ہو نے والے تحریک انصاف کے جلسہ میں جنوبی پنجاب کے دیگر اضلاع کے لوگوں کی طرح ضلع لیہ سے بھی ضلعی صدر بشارت رند ھاوا ، ملک نیاز جکھڑ ، سجن خان تنگوانی کی قیادت میں کار کنوں نے بڑی تعداد میں شر کت کی