لاہور (مانیٹرننگ ڈیسک ) وزیر اعلیٰ پنجاب میاں محمد شہباز شریف نے کہا ہے کہ جنوبی پنجاب کے عوام کی خوشحالی بہت عزیز ہے، اس لیے فلاح عامہ کے منصوبوں پر پیشرفت کی نگرانی خود کررہا ہوں، فلاحی منصوبوں کی مخالفت کرنے والے ترقی اور خوشحالی کے دشمن ہیں۔
سٹی42 ٹی وی کے مطابق وزیر اعلیٰ پنجاب میاں محمد شہباز شریف سے رکن قومی اسمبلی اویس لغاری نے ملاقات کی، ملاقات میں جنوبی پنجاب کے عوام کی فلاح وبہبود کیلئے ترقیاتی منصوبوں پر تبادلہ خیال کیا گیا۔
شہباز شریف کا کہنا تھا کہ جنوبی پنجاب میں متعدد میگا پراجیکٹس پر تیزی سے کام جاری ہے، ملتان میں میٹرو بس کا منصوبہ جنوبی پنجاب کی عوام کیلئے شاندار تحفہ ہے۔
ملاقات کے موقع پر رکن قومی اسمبلی اویس لغاری نے کہا کہ وزیر اعلیٰ پنجاب میاں محمد شہباز شریف نے جنوبی پنجاب کیلئے بے مثال اقدامات کیے ہیں۔
