ڈیرہ غازیخان ۔ سینئر صحافی گل بلوچ انتقال کر گئے ۔ انا للہ وانا الیہ راجعون

ڈیرہ غازیخان (صبح پا کستان). بزرگ صحافی گل بلوچ مختصر علالت کے بعد گزشتہ روز انتقال کر گئے ان کی عمر 95برس تھی . انہیںآبائی قبرستان ملاقائد شاہ میں سپرد خاک کیاگیا.نماز جنازہ میں مختلف طبقہ فکر سے تعلق رکھنے والے افراد کے علاوہ شہریوں کی بڑی تعداد نے شرکت کی. وہ نصف صدی سے زائد شعبہ صحافت سے منسلک رہے . وہ ریاض گل ، شہباز گل ، جاوید گل او رمجاہد گل کے والد تھے . انہوں نے پسماندگان میں چاربیٹوں کے علاوہ تین بیٹیاں سوگوار چھوڑی ہیں . ان کی رسم قل خوانی آج اتوار 15جنوری کو صبح نو بجے بلاک 15کے شمالی چوک کی مسجد میں ادا کی جائے گی.
دریں اثنا ریجنل دفتر تعلقات عامہ ڈیرہ غازیخان کا تعزیتی اجلاس منعقد ہوا جس میں افسران و ملازمین نے شرکت کی . اجلاس میں مرحوم گل بلوچ کی روح کے ایصال ثواب کیلئے فاتحہ خوانی کے بعد دعاکی گئی کہ اللہ تعالی مرحوم کو اپنے جوار رحمت میں جگہ دے اور پسماندگان کو صبر جمیل عطا کرے . اجلاس میں گل بلوچ کی صحافتی خدمات کو سراہا گیا.