ڈیرہ غازیخان میں ہو نے والا پی ٹی آئی کا جلسہ تاریخی اور فقید المثال ہوگا ۔ڈاکٹر شاہینہ نجیب کھوسہ

ڈیرہ غازی خان ( صبح پا کستان)15جنوری پی ٹی آئی جلسہ کے لیے ڈاکٹر شاہینہ نجیب کھوسہ اڑھائی لاکھ روپے ڈونیشن جمع کردیا ، جلسہ کو بھر پور انداز میں کامیاب کرائیں گے تفصیل کے مطابق پاکستان تحریک انصاف کی سینئر و مرکزی وومن کونسل وجنرل سیکرٹری ڈیرہ غازی خان ڈاکٹر شاہینہ نجیب کھوسہ نے اپنے اخباری بیان میں کہا کہ 15جنوری پی ٹی آئی جلسہ فنڈز کے لیے ڈھائی لاکھ روپے جمع کروائے ہیں انہوں نے رقم کی رسید جنوبی پنجاب کے صدر اسحا ق خاکوانی کے حوالے کی اسحاق خاکوانی کے زیر صدارت ہونیوالے تنظیمی اجلاس میں ڈاکٹر شاہینہ نے بتایا کہ میں اور میری ٹیم ضلع ڈیرہ غازی خان کے طول و عرض میں جلسہ کی دعوت اور پی ٹی آئی کا پیغام پہنچا رہے ہیں خواتین کی نہ صرف خصوصی دعوت دی جا رہی ہے بلکہ جلسہ میں ان کے بیٹھنے اور سیکورٹی کے بہترین انتظامات کیے جا رہے ہیں خواتین کے پنڈال کو ڈاکٹر شاہینہ خود دیکھیں گی ڈاکٹر شاہینہ نے کہا کہ ہم اللہ تعالیٰ سے جلسہ کی کامیابی کے لیے دعا گو ہونے کے ساتھ ساتھ پوری طرح پر عزم بھی ہیں اور انشاء اللہ یہ جلسہ ایک یادگار جلسہ ہوگا اس موقع پر انکے ساتھ ناصر ،ارسلان ، عنصر ، حذیفہ ، احسب ، خورشید ، کاشفہ ، فرحت رابعہ ، شہناز ، انم شکیلہ و دیگر بھی موجود تھے ۔