لیہ(صبح پا کستان)ایڈیشنل سیشن جج لیہ نے نکاح پر نکاح کرنے پر فیصلہ سناتے ہوئے دولہا کو25سال،دلہن،گواہان ،نکاح خواں کو 7,7سال قید ایک ایک لاکھ جرمانہ کی سزا سنادی،ملزمان گرفتار۔ تفصیل کے مطابق گزشتہ روز ایڈیشنل سیشن جج لیہ مہر محمد اسلم گدرانہ سیال نے عبدالرشید کی مدعیت میں تھانہ پیرجگی میں درج کیے گئے مقدمہ جس میں مدعی نے اپنی بیوی ساجدہ بی بی اور فیاض احمد کے خلاف جعلی نکاح کرنے کا درج کرایا تھا جسکو تھانہ پیر جگی نے خارج کر دیا تھا جس پرمدعی نے وکیل قاسم خان تنگوانی ایڈووکیٹ کے ذریعے استغاثہ دائر کیا ،جس میں عبدالرشید کی بیوی ساجدہ بی بی اور فیاض احمد کے نکاح پر نکاح کرنے کو ثابت کردیاگیا جس پر ایڈیشنل سیشن جج مہر محمد اسلم گگرانہ سیال نے نکاح پر نکاح کرنے پر دولہا فیاض احمد کو25سال،دولہن ساجدہ بی بی، 2گواہوں ریاض احمد،رفیق احمد اور نکاح خواں مولوی منظور احمد کو سات سات سال قید کا فیصلہ سنادیاتمام ملزمان گرفتار کرلئے گئے ہیں۔ایڈیشنل سیشن جج لیہ کا سنایاگیا فیصلہ اپنی نوعیت کا پاکستان بھر میں پہلا فیصلہ ہے
