لیہ ۔ نائب تحصیلدار شاہ نواز خان کے اعزاز میں الوداعی تقریب

لیہ (صبح پا کستان)نائب تحصیلدار شاہ نواز خان کی ریٹائرمنٹ پر ان کے اعزاز میں اسسٹنٹ کمشنر لیہ عابد کلیار نے الوداعی تقریب کا اہتمام کیا۔جس میں تحصیل دار محال عامر حیات شیخ نے اظہار خیال کرتے ہوئے پٹوار کلچر میں تبدیلی کے لیے کیمپوٹرائزڈ سسٹم کے اجراء کو ریونیوشعبہ کے لیے انقلابی قدم قرار دیا۔جب کہ شاہ نواز خان نے دوران ملازمت زمینداروں و کاشت کاروں کے لیے کی گئی اپنی خدمات سے آگاہ کیا۔ اے سی عابدکلیار نے ان کی خدمات کو خراج تحسین پیش کیا ۔تقریب میں ریونیوافسران محمد سعید گھمن ،باقر حسین ،ملک امام بخش ،گرداور ملک محمد شفیع،غلام حسین ،ممتاز جکھڑ،ملک امتیاز کلوری ،ظفر عباس خان،شیخ مرتضی و دیگر نے شرکت کی۔