چوک اعظم ۔ جنگلات کی کروڑوں روپے کی قیمتی اراضی پرمبینہ طور افغانی پٹھانوں کا غیر قا نو نی قبضہ

چوک اعظم(صبح پا کستان) ضلع لیہ کے جنگلات میں بیٹھے مبینہ افغانی پٹھانوں کی مشکوک حرکات ۔آپریشن کا مطالبہ ۔تفصیل کے مطابق ضلع بھر کے جنگلات کی کروڑوں روپے کی قیمتی اراضی پرمبینہ طور افغانی پٹھانوں نے قبضہ کر رکھاہے ۔اور یہ مشکوک سرگرمیوں میں ملوث پائے جا رہے ہیں ۔شہریوں آفتاب وینس ،شاہد سرور ،محمد اسلم اور دیگر نے بتایا کہ یہ لوگ بھیڑ بکریاں چرانے کے بہانے ضلع میں داخ ل ہوتے ہیں اور سڑکوں کے قریب نہر میں جھونپڑیاں بنا کر رہائش اختیار کر لیتے ہیں ۔بعد ازاں محکمہ جنگلات کے اہل کاروں کو رشوت دیکر کچے مکان بنا لیتے ہیں ۔انہوں نے بتایا کہ رات کے وقت ان کی جھونپڑیوں میں مشکوک افراد جیپوں اور ہیوی موٹڑ سائیکلوں پر آتے ہیں ۔انہوں نے کمشنر ڈیرہ غازی خان ،ڈی سی او لیہ اور ڈی پی او لیہ سے مطالبہ کیا ہے ان کے خلاف آپریشن کیا جائے اور انہیں جنگل کی اراضی سے بے دخل کیاجائے ۔
رپورٹ ۔محمد صابر عطاء تھہیم ۔ چوک اعظم