کرسمس کے موقع پر فول پروف سیکورٹی انتظامات کئے جائیں۔ڈی پی او
چوبارہ میں بس ڈکیتی کے ملزمان کی گرفتاری کیلئے ٹیم تشکیل
ضلعی پولیس کانسٹیبلان کی بھرتی ،3480امیدواران کی درخواستیں موصول
کرسمس کے موقع پر فول پروف سیکورٹی انتظامات کئے جائیں۔ڈی پی او
لیہ(صبح پا کستان)حساس عمارتوں کا سیکورٹی آڈٹ کیاجائے،مشکوک علاقوں میں سرچ آپریشن کیاجائے،کرسمس کے موقع پر فول پروف سیکورٹی انتظامات کئے جائیں۔ڈی پی اولیہ کی دوران میٹنگ پولیس افسران کوہدایات ۔ تفصیلات کے مطابق دفترپولیس میں منعقدہ میٹنگ میں ضلع کے ڈی ایس پیز،ایس ایچ اوز اور دفترکی تمام برانچزکے انچارج ہائے نے شرکت کی ڈی پی او نے دوران میٹنگ پولیس افسران کو ہدایت کرتے ہوئے کہا کہ حساس اوراہم عمارتوں کاسیکورٹی آڈٹ کیاجائے،تمام اہم عمارتوں،مارکیٹوں ،بینک ہائے،پٹرول پمپ پر CCTVکیمرے تنصیب کرائے جائیں اور گن مین تعینات ہوناچاہئے انھوں نے کہا کہ امن وامان کے قیام کیلئے وقتاً فوقتاً مشکوک علاقوں میں سرچ آپریشن کئے جائیں کرایہ داران کے اندراج کو یقینی بنایاجائے اوراندراج نہ کرانے والے کیخلاف مقدمہ درج کیاجائے ہوٹل سرائے گیسٹ ہاؤس کی وقتاً فوقتاً چیکنگ کی جائے دوران میٹنگ ضلع ھٰذا میں کرسمس کے حوالے سے کئے گئے سیکورٹی انتظامات کابھی جائزہ لیاگیا انچارج سیکورٹی انسپکٹرطارق نے کرسمس کے حوالے سے ترتیب دیئے گئے سیکورٹی پلان کے متعلق تفصیلی بریفنگ دی ڈی پی او لیہ نے ہدایات کرتے ہوئے کہا کہ کرسمس کے موقع پر فول پروف سیکورٹی انتظامات کئے جائیں تمام چرچ ہائے پر سیکورٹی کے سخت انتظامات کئے جائیں اور مسیح برادری کے ساتھ مثبت رویہ رکھتے ہوئے بھرپور تعاون کیاجائے اور منعقد ہ پروگراموں پر پولیس کی بھاری نفری تعینات کی جائے۔
لیہ ۔چوبارہ میں بس ڈکیتی کے ملزمان کی گرفتاری کیلئے ٹیم تشکیل
لیہ(صبح پا کستان)علاقہ تھانہ چوبارہ میں بس ڈکیتی کاوقوعہ،ملزمان کی گرفتاری کیلئے ٹیم تشکیل،عوام کوقیمتی مال ومتاع سے محروم کرنے والے عناصر کیخلاف تمام وسائل بروئے کارلائے جائیں۔ڈی پی اولیہ۔تفصیلات کے مطابق گزشتہ دن علاقہ تھانہ چوبارہ میں بس ڈکیتی کے ہونے والے وقوعہ کی تھانہ چوبارہ میں تعزیرات پاکستان کی دفعہ 392کے تحت مقدمہ درج کرلیاگیاہے ڈی پی اولیہ نے وقوعہ میں ملوث ملزمان کو ٹریس کرنے کیلئے ڈی ایس پی چوبارہ واجدعلی بھروانہ کی سربراہی میں خصوصی ٹیم تشکیل دے دی ہے جبکہ ٹیم میں شامل دیگر ممبران میں انسپکٹرعبدالمجید ایس ایچ اوچوبارہ انسپکٹررب نواز ریزروانسپکٹر پولیس لائن سب انسپکٹرفیاض احمد انچارج سی آئی اے ،سب انسپکٹر فیض محمد ،اے ایس آئی شیرزمان اور کانسٹیبلان حفیظ اللہ،ریاض حسین شامل ہیں ڈی پی اولیہ نے ٹیم میں شامل افسران کوہدایت کرتے ہوئے کہا کہ عوام کوقیمتی مال ومتاع سے محروم کرنے والے عناصر کیخلاف تمام وسائل بروئے کارلائے جائیں اوروقوعہ میں ملوث ملزمان کو ٹریس آؤٹ کرکے جلدازجلد انصاف کے کٹہرے میں لایاجائے۔
لیہ ۔ضلعی پولیس کانسٹیبلان کی بھرتی ،3480امیدواران کی درخواستیں موصول
لیہ(صبح پا کستان)ضلعی پولیس کانسٹیبلان کی بھرتی ،3480امیدواران کی درخواستیں موصول،سکروٹنی کیلئے ٹیم تشکیل۔ تفصیلات کے مطابق ضلعی پولیس میں کانسٹیبلان کی بھرتی کے جاری عمل میں 3480امیدواران کی درخواستیں موصول ہوئیں درخواستوں کی سکروٹنی کیلئے خصوصی ٹیم تشکیل دے دی گئی ہے سکروٹنی کے بعد حتمی لسٹ 27دسمبر کو ڈی پی اوآفس آویزاں کردی جائے گی جبکہ معیار پر پورانہ اترنے والے امیدواران کی درخواستیں مستردکردی جائیں گی حتمی لسٹ کے بعد امیدواران سے فزیکل ٹیسٹ لیاجائے گا۔
