ملتان ( صبح پا کستان) قومی امن کمیٹی پاکستان ، ہیلپرز بزنس کونسل اور ہیلتھ ایمپلائز ایسوسی ایشن کے زیر اہتمام 16دسمبر سانحہ آرمی پبلک سکول پشاور کے حوالہ سے جامع مسجد روڈ ملتان کینٹ پر واک ریلی نکالی گئی ، جس میں چیف کو ارڈینیٹر غضنفر ملک ، مرکزی چیئرمین قومی امن کمیٹی پاکستان ، علامہ فاروق بخاری ، صدر شعبہ خواتین نرگس وزیر خان ، کلب عابد خان ، معظم وحید خواجہ ، قاری ابوبکر نقشبندی ، شیخ اقبال حسین اور رانا مبشر رئیس نے قیادت کی ، واک کے دوران خطاب کرتے ہوئے مقررین نے کہا قوم سانحہ اے پی ایس کے معصوم شہیدوں کو نہیں بھولے ہم پاک فوج کے شہداء اور آرمی پبلک سکول کے معضوم شہیدون کو سلام پیش کرتے ہیں اور دہشت گردی کے خلاف افواج پاکستان کی جرات مندانہ کردار اور قربانیوں پر خراج تحسین پیش کرتے ہیں ، واک میں کینٹ کے شہریوں اور ہیلتھ ورکرز کی بڑی تعداد شریک تھی ۔
