کو ٹ سلطان(سرفراز واندر سے ) زمین کے تنا زعہ پر ہمسایہ نے غنڈوں کے ساتھ مل کر قبضہ کرنے کے دوران 80سالہ بزرگ، خواتین پر شدید ید تشدد کا نشانہ بنا ڈالا،خواتین کے ہاتھ انگلیاں ٹوٹ گئیں، پولیس بھی ظالموں کی ساتھ بن گئی، اے ایس آئی نذیر چیمہ نے مخالف فریق سے لاکھوں بٹور کر زخمی افراد کو ڈاکٹ جاری کرنے کے ساتھ مقدمہ درج کرنے سے انکار کردیا۔ پیر جگی کے نواحی علاقہ محمد موڑپر غلام فرید مہا ر کی لاکھوں مالیتی پانچ کنا ل اراضی پر ہمسایہ فیاض حسین نے قبضہ کرنے کے لئے ساتھیوں سمیت دھاوا بول دیا، گندم کی تیاری کے لئے تیارکی جانے والے زمین پر موجود 80سالہ بزرگ اور خواتین پر فیاض حسین و ساتھیوں نے ڈنڈے سوٹوں کے وار کر کے خواتین کے ہاتھ اور انگلیاں توڑ دیں،مغروبین نے الزام لگایا ہے کہ وراثتی اراضی پر ممبر صوبائی اسمبلی مہر اعجاز اچلانہ کی پشت پناہی پر ہمارے ساتھ یہ ظلم کیا گیا ہے انہوں نے کہاکہ پولیس بھی ملزما ن کی ساتھی بن گئی اور ہمیں ڈاکٹ جاری نہیں کیا اور نہ مقدمہ درج کیا ۔ اہل علاقہ نے احتجا ج کر تے ہوئے کہاکہ تھانہ پیر جگی پولیس ملزما ن کے ساتھ مل چکی ہے ، ہمارے اوپر ظلم کے پہاڑ توڑے گئے مگر پولیس مقدمہ درج کرنے سے گریزاں ہے۔انہوں نے ڈی پی او لیہ، آئی جی پنجاب سے نوٹس لینے کا مطالبہ کیا۔
