کورکمانڈر ملتان کی زیر صدارت کور ہیڈکوارٹر ز میں محرم الحرام کے حوالے سے اعلیٰ سطحی اجلاس
ملتان(صبح پا کستان ) کورہیڈ کوارٹر زملتان میں کی زیر صدارت سنےئر آرمی افسران اور سول انتظامیہ کا اعلیٰ سطحی اجلاس منعقد ہوا جس میں محرم الحرام کے حوالے سے کیے جانے والے سیکورٹی انتظامات کا جائزہ لیاگیا۔اجلاس کے شرکاء نے اپنے متعلقہ محکموں کی جانب سے کی جانے والی تیاریوں پر مکمل بریفنگ بھی دی۔
لیفٹیننٹ جنرل اشفاق ندیم احمد نے مجموعی طور پر سیکورٹی صورت حال کی بہتری کے لئے ضروری ہدایات دیتے ہوئے تمام متعلقہ اداروں کے درمیان باہمی ہم آہنگی کے تسلسل پر زور دیا۔ کورکمانڈر نے انٹیلی جنس اداروں کی مجموعی کارکردگی کو سراہتے ہوئے مزید بہتری کے لئے کہا۔
اجلاس کے دوران پاک فوج کی طرف سے مکمل یقین دہانی کرائی گئی کہ جب بھی سول انتظامیہ کو فوج کی مدد کی ضرورت پڑے گی ۔
پاک فوج کے افسران اور جوان محنت اور پیشہ وارانہ صلاحیتوں کو بروئے کار لا کر سول انتظامیہ کی بھرپور مدد بھی کریں گے۔
اجلاس میں اعلیٰ فوجی حکام اور سول انتظامیہ کے عہدیداران اور نمائندگان نے شرکت کی۔
