کوٹ سلطان (صبح پا کستان) کو ٹ سلطان ومضافات میں چائلڈ لیبر ایکٹ کی کھلم کھلا خلاف ورزی ،شہر بھر میں ہوٹلوں ،ورکشاپ ،کوئلہ کی بھٹیوں ا ور دیگر مقامات پر بچوں سے کھلے عام جبری مشقت کا سلسلہ نہ رک سکا ،قانون نافذ کرنے والے ادارے خاموش تماشائی ۔تفصیل کے مطابق کوٹ سلطان و مضافات میں چائلڈ لیبر ایکٹ کی کھلم کھلا خلاف ورزی ہو رہی ہے جبکہ قانون نافذ کرنے والے ادارے خاموش تماشائی بن چکے ہیں ،کوٹ سلطان ،حافظ آباد،پہاڑ پوڑ ،جمن شاہ اور دیگر مقامات پر معصوم بچوں سے جبری مشقت کا سلسلہ جاری ہے ،پانچ سے بارہ سال تک کی عمر کے بچے ہوٹلوں ،ورکشاپ،بھتہ خشت اور کوئلہ کی بھٹیوں پر مزدوری کرتے نظر آتے ہیں جو کہ قانون نافذ کرنے والے اداروں اور چائلڈ لیبر کے حوالے سے کام کرنے والی این جی اوز کی کارکردگی پر سوالیہ نشان ہے ،شہریوں شاہد محمود،محمد اکرم خان،زین عباس،ناصر شاہ،سیٹھ اسلم ،سرفراز احمد ،حاجی خالد اور دیگر نے مطالبہ کیا ہے کہ کے چائلڈ لیبر ایکٹ پر عمل درآمد کو یقینی بنایا جائے ۔
رپورٹ ، ملک فہیم منجوٹھہ پریس رپور
