لیہ (صبح پا کستان)حکومت پنجاب اوورسیز پاکستانیوں کو سرکاری اداروں سے متعلقہ مختلف مسائل کے فوری حل کے لیے اقدامات عمل میں لارہی ہے تاکہ بیرون ملک رہنے والے پاکستانیوں کو مستفید کیا جاسکے یہ بات اوورسیز پاکستانیز کے مسائل کے حل کے لیے منعقدہ اجلاس کی صدارت کرتے ہوئے صوبائی پارلیمانی سیکرٹری داخلہ مہر اعجاز احمد اچلانہ نے کہی۔اجلاس میں ڈی سی اوسید واجد علی شاہ ،ڈی پی او کیپٹن (ر) محمد علی ضیاء موجود تھے۔اجلاس میں اوور سیز پاکستانیوں کے عزیز و اقارب اور بیرون ملک سے آئے ہوئے افراد نے شرکت کی اجلاس میں مختلف محکموں سے متعلقہ امور کے بارئے میں بیرون ملک مقیم پاکستانیوں کی جانب سے ضلع لیہ سے متعلقہ مختلف امور کے بارئے میں آمدہ درخواستوں پر فرداًفرداًتفصیلی غورو خوص کیا گیااور درخوستوں پر عمل درآمد کے لیے احکامات جاری کئے گئے اور اس سلسلہ میں اٹھائے گئے اقدامات سے کمیٹی کو آگاہ کیا گیا۔اجلاس سے خطاب کرتے ہوئے مہر اعجاز احمد اچلانہ نے کہا کہ کمیٹی کے قیام کا بنیادی مقصد اوور سیز پاکستانیوں کے مسائل کوفوری طور پرحل کرنا ہے اس لیے متعلقہ ادارئے آمدہ درخوستوں پر قواعد و ضوابط کے مطابق فوری اقدامات عمل میں لائیں تاکہ بیرون ملک مقیم افراد کا اداروں پر اعتماد کو یقینی بنایا جاسکے ۔کمیٹی کے اجلاس میں پولیس ،ریونیو،واپڈا و دیگر محکموں سے متعلقہ درخواستوں کو نمٹایا گیا۔
