لیہ(صبح پا کستان)مضر صحت ،مردہ جانوروں کا 55من سے زائد گوشت برآمد 1گرفتار3فرار،ای ڈی او ،ڈی ایل او کی سربراہی میں محلہ قادر آباد میں قصاب کے گھر چھاپہ مقدمہ درج،تفصیل کے مطابق گذشتہ شام ای ڈی او زراعت ظفراللہ سندھو،ڈی ایل او ڈاکٹر محمد طارق کی سربراہی میں محکمہ لائیو سٹاک کے عملہ نے محلہ قادر میں رہنے والے قصاب غلام شبیر ولد محمد حنیف کے گھر چھاپہ مار کر مضر صحت،مردہ جانوروں کا 55من سے زائد گوشت برآمد کرکے قانونی کاروائی کا آغاز کر دیا محکمہ لائیو سٹاک کے عملہ نے مضر صحت مردہ جانوروں کے 55من سے زائد گوشت سے سیمپل لیکر لیبارٹری معائنہ کیلئے بھجوا دیئے جبکہ باقی گوشت کو تلف کر کے غلام شبیر اور اس کے دیگر دو اور ساتھیوں کے خلاف تھانہ سٹی میں ایف آئی درج کرادی،غلام شبیر پولیس کی حراست میں جبکہ اس کے دیگر دو ساتھی فرار ہونے میں کامیاب ہو گئے ،پولیس نے تفتیش کا آغاز کر دیا ۔
رپورٹ ۔ عبد الرحمن فریدی
