دہشتگرد کبھی بھی دہشتگردی کو جڑ سے اکھاڑ دینے کے عزم کو کمزور نہیں کر سکتے،جاوید کنجال

لیہ(صبح پاکستان)رہنما پاکستان پیپلزپارٹی ڈاکٹر جاوید اقبال کنجال نے کہا کہ پاکستان پیپلز پارٹی عوام کی مدد سے دہشتگردوں کو شکستِ فاش دے گی ،ہم کبھی بھی دہشتگردی کو جڑ سے اکھاڑ دینے کے عزم کو کمزور نہیں کر سکتے معصوم لوگوں کو اس طرح دہشتگردی کا نشانہ بنانے کی اجازت نہیں دی جا سکتی۔ دہشت گردی جیسے ظلم کو روکنے کے لئے فیصلہ کن اقدامات کی ضرورت ہے۔ بلوچستان بار کے صدربلال انور کاسی کو ٹارگٹ کلنگ میں شہید کر دیا گیا تھا اور ان کی میت سول ہسپتال لائی گئی تھی وکلاء ان کے قتل پر احتجاج کر رہے تھے۔ میڈیا بھی موجود تھا اور وکلاء اور میڈیا بھی اس دھماکے میں متاثر ہو ئے ہیں سو ل ہسپتال کوئٹہ میں دہشتگردں کی جانب سے دھماکے کی شدید الفاظ میں مذمت کرتے ہیں جس میں درجنوں معصوم افراد جاں بحق اور درجنوں زخمی ہو گئے ہیں، انہوں نے غمزدہ خاندانوں سے ہمدردی کا اظہار کیا اور جاں بحق ہونے والوں کی روحوں کے ایصالِ ثواب اور زخمیوں کی جلد صحتیابی کی دعا بھی کی۔