لیہ(صبح پاکستان)عوامی ترقیاتی اداہ میں وزیر اعظم پاکستان میاں نواز شریف کی بغیر سودقرضہ سکیم کے تحت یونین کونسل جمن شاہ کے 146مرد و خواتین میں امدادی چیک تق کر دیئے گئے۔ عوامی ترقیاتی اداہ میں منعقدہ تقریب سے خطاب کرتے ہوئے چیئر مین یونین کونسل مہر احمد حسن کلاسرہ نے کہا مسلم لیگ ن کی حکومت چھوٹا کارروبار کرنے والے افراد کو معاشی طور پر مضبوط بنانے کے لئے وزیر اعظم کی یہ سکیم بھی شاندار ہے۔ ان کا کہنا تھا کہ عوامی ترقیاتی ادارہ نے سروے کے ذریعے غریب اور مستحق مردوخواتین میں ہزاروں کی تعداد میں بغیر سود قرضہ سکیم کے چیک تقسیم کر کے علاقہ میں انقلا ب برپا کر دیا ہے۔ تقریب سے خطاب کرتے ہوئے ایگزیکٹو ڈائریکٹر عوامی ترقیاتی اداہ مہر محمد طفیل لوہانچ نے کہاکہ ادارہ کا مقصد لوگوں کو روزگار اور معاشی طور پر بہتر بنانا ہے۔ عوامی ترقیاتی اداہ سات یونین کونسلوں میں وزیر اعظم کی بغیر سود قرضہ سکیم کے ذریعے ہنر مند افراد کو معاشرے کا باعزت شہر ی بنانے کے لئے قرضہ فراہم کر رہا ہے۔ تقریب سے پروجیکٹ منیجر شیخ وقار الحسن، محمد قاسم،مہر جمشید سمرا
و دیگر نے بھی خطاب کیا۔
